Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

गुरूवार 13 जानेवारी 2022 चे दैनिक राशीभविष्य

गुरूवार 13 जानेवारी चंद्ररास वृषभ दिवसरात्र व चंद्रनक्षत्र कृतिका 17:05 पर्यंत व नंतर रोहिणी.

वरील दोन्ही राशी नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

आज पुत्रदा एकादशी असून भोगीचा दिवस आहे.

मेष :–बर्याच दिवसापासून पगारावर अवलंबून असलेल्या गोष्टी करताना अचानक अडचणी निर्माण होणार आहेत. मागिल घटनांवरून आलेल्या अनुभवांचा आढावा घ्या.

वृषभ :–आज महत्वाचे निर्णय घेताना इतरांच्या हस्तक्षेपाने विनाकारण द्विधा मनस्थिती होईल.  स्वत:वर विश्वास ठेवून  निर्णय घ्या.

मिथुन :–हातातून वाया गेलेली वेळ परत वापरता येत नाही याचा चांगला अनुभव येईल. कुटुंबातील ज्येष्ठांच्या सल्ल्याशिवाय कोणताही आर्थिक व्यवहार करू नका.

कर्क :–आजच्या दिवसातील येणार्या तुमच्या प्रत्येक प्रश्नांवर तुमच्या जवळच्या मित्रमैत्रिणींकडून योग्य ते उत्तर असेल. संसतीकडूनही सल्ला घ्यायला हरकत नाही.

सिंह :–तुम्ही रोज जे कार्य करतआहात ते खरच तुमच्या मनापासून करता का याचा विचार करा. इतरांच्या सल्ल्याबरभरच अंतर्मनाचा आवाजही ऐका.

कन्या :–पूर्वापार पद्धतीने चालत आलेल्या चालिरितींनुसार घरात धार्मिक पूजा करण्याचे ठरेल. बोलण्यातील स्पष्टपणामुळे आईबरोबर मतभेद निर्माण होतील.

तूळ :–सासूरवाडीकडून चौकशीचा निरोप येईल  एखादी मौल्यवान भेट येईल. लहानशा प्रवासात नवीन ओळखीमुळे वेळ आनंदात जाईल.

वृश्र्चिक :–पतीपत्नीमधील बर्याच दिवसापासून चाललेली धुसफूस अचानक मैत्रिणींच्या मध्यस्थीने कमी होत असल्याचे जाणवेल. मनासारखे झाल्यामुळे घरात वातावरण आनंदी राहील.

धनु :–प्रकृतीच्या बाबतीत मनात उगीचच शंका निर्माण होतील. नोकरीतही सहकारी आपल्या बाबतीत गाँसिपींग करत असल्याच्या शंका मनात येतील.

मकर :–संततीला आलेल्या  शैक्षणिक अडचणींवर तुम्ही तुमच्या चतुराईने मार्ग शोधाल. अडचणी दूर करण्यासाठी मित्रमंडळींची मदत. िळेल.

कुंभ :–कुटुंबातील प्रिय व्यक्तीच्या बाबतीत  प्रकृतीची काळजी निर्माण करणारे प्रसंग घडतील. आजपर्यंत इतरांना केलेल्या मदतीचे चांगले फळ मिळेल.

मीन :–सध्या प्रवासाचा विषयही काढू नका. व्यवसायाच्या बाबतीत आवश्यक ती जाहिरात केल्यास योग्य प्रतिसाद मिळेल.

|| शुभं-भवतु ||