Read in
Marathi
English
Gujarati
Hindi
Kannada
Malayalam
Marathi
Punjabi
Sindhi
Tamil
Teluguबुधवार 12 जानेवारी 2022 चे दैनिक राशीभविष्य
बुधवार 12 जानेवारी चंद्ररास मेष 20:44 पर्यंत व नंतर वृषभ.
कृष्णमूर्ती पद्धतीने नक्षत्रीय फलादेश देत आहे
बुधवार 12 जानेवारी चंद्ररास मेष 20:44 पर्यंत व नंतर वृषभ. चंद्रनक्षत्र भरणी 13:58 पर्यंत व नंतर कृतिका. वरील राशी नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.
मेष :–घराच्या नूतनीकरणाचे विचार एकमताने मंजूर होईल. जाणकारांच्या सल्ल्याने पुढील नियोजन केल्यास खर्चाचा बोजा वाढणार नाही.
वृषभ :–नवीन वर्षात करावयाच्या गोष्टींसाठी आत्मविश्वासाने सामोरे गेल्यास नक्कीच यशस्वी व्हाल. नोकरीत वरिष्ठांची मर्जी सांभाळणे आज अवघड जाईल.
मिथुन :–कुटुंबात मुलांच्या मंगलकार्याच्या निमित्ताने धार्मिक विधी करण्याचे ठरेल. मुलांबरोबर अतिशय स्पष्टपणे बोलून तुमचे विचार व्यक्त करा.
कर्क :–तुमच्या बाबतीत आज जे मिळेल त्यावर समाधानी रहावे लागेल. विरोधकांच्या विरोधाला फारसे महत्व देऊ नका व विरोधही करू नका.
सिंह :–नवीन मौल्यवान खरेदीच्या वस्तूंसाठी कुटुंबात एकमत होणार नाही. तरूणांना आपले नेहमीचे उद्योग सोडून नवीनच दुसरे काम करावेसे वाटेल.
कन्या :–आईसाठी औषधांवर खर्च करावा लागेल. सरकारी बँकेच्या बाबतीत तुमचे कांही फार्म्स चुकले असल्यास त्याकडे दुर्लक्ष करू नये.
तूळ :–नातेवाईकांच्या मदतीने व्यवहारातील कामात मोठी मदत होईल. तुम्च्या स्वभावदोषांवर मित्रमैत्रिणींकडून कडक टिका होईल.
वृश्र्चिक:– कुटुंबाकडे दुर्लक्ष झाल्यामुळे कुटुंबियांची नाराजी वाढेल. नोकरीत नव्याने झालेल्या ओळखीने मनस्ताप वाढणार नाही याची दखल घ्या.
धनु :–नोकरीच्या ठिकाणी अचानक सहकार्याकडून मदतीचा मोठा ओघ मिळेल. बुद्धीच्या क्षेत्रातील तरूणांना आपल्या बुद्धीच्या क्षमता वाढल्याचे जाणवेल.
मकर :–उद्धोगधंद्यातील रेंगाळलेली कामे मार्गी लावण्यासाठी स्वत:हून प्रयत्न करावे लागतील. वैयक्तिक पातळीवर करावयाची कामे स्वत: करा इतरांवर विसंबून राहू नका.
कुंभ :–अनावश्यक खर्चाला आळा घातल्यास आर्थिक ताण येणार नाही. विवाह इच्छूकांना विवाहाच्या बाबतीत अतिशय जागरूकपणे विचार करावा लागेल.
मीन :–घरगुती उद्योगाच्या व्यवसायात तुमचे नियोजन योग्य असल्याचे जाणवेल. कुटुंबात अचानक पाहुण्यांचे आगमन होणार आहे.
|| शुभं-भवतु ||