Read in
Marathi
English
Gujarati
Hindi
Kannada
Malayalam
Marathi
Punjabi
Sindhi
Tamil
Teluguशुक्रवार 31 डिसेंबर 2021 चे दैनिक राशीभविष्य
शुक्रवार 31 डिसेंबर चंद्ररास वृश्र्चिक दिवसरात्र व चंद्रनक्षत्र अनुराधा 22:04 पर्यंत व नंतर ज्येष्ठा.
शुक्रवार 31 डिसेंबर 2021 चे दैनिक राशीभविष्य
कृष्णमूर्ती पद्धतीने नक्षत्रीय फलादेश देत आहे
शुक्रवार 31 डिसेंबर चंद्ररास वृश्र्चिक दिवसरात्र व चंद्रनक्षत्र अनुराधा 22:04 पर्यंत व नंतर ज्येष्ठा. वरील दोन्ही राशी नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.
आज प्रदोष असल्याने शिव उपासकांनी उपासना करावी.
मेष :– कांहीही होत नसताना आजारी असल्याची ज्यांना भावना आहे त्यांच्या आजाराच्या स्वरूपाचे योग्य निदान होईल. कुटुंबातील भावाबहिणींच्या नात्यातील वाद संपत असल्याचे लक्षांत येईल.
वृषभ :–मोनोपाँजचा त्रास असलेल्या महिलांच्या ओटीपोटात दुखण्याचा त्रास होईल. महत्वाच्या वस्तूंची चोरी होण्याचा धोका आहे. द्वितीय संततीकडून आनंदाची बातमी कळेल.
मिथुन :–कामगार वर्गाला कामाचा ताण वाढणार आहे. एकत्र कुटुंबातील ज्येष्ठ मंडळींच्या विचाराने घरातील महत्वाचे निर्णय घेता येणार आहेत. भावंडांच्या मदतीने कामे पार पडतील.
कर्क :–प्रेम विवाहाबाबतची सर्वांना खुष करणारी बातमी द्याल. काव्य लेखन, वाचन करणार्यांना वाचकांकडून शाबासकीची थाप मिळेल. बुद्धीच्या क्षेत्रात तुम्हाला सन्मान मिळेल.
सिंह :–सार्वजनिक ठिकाणी प्रबोधनाकरीता तुम्हाला सन्मानाने बोलावले जाईल. कलाकार व चित्रकार मंडळीना त्यांच्या कलेसाठी सन्मानित केले जाईल.
कन्या :–नोकरीत आवडत्या क्षेत्रातील नोकरीची संधी मिळण्याच्या संधी निर्माण होतील. बदलत्या हवामानाचा वयस्कर मंडळींच्या प्रकृतीवर परिणाम होईल.
तूळ :–साठवलेल्या तसेच राखीव पैशाचा वापर आज तुम्हाला मित्रमंडळींसाठी करावा लागणार आहे. कालच्याप्रमाणेच आजही कुटुंबात आनंदी वातावरण राहणार आहे.
वृश्र्चिक :–दुसर्यांच्या मनातील शंकांचे निरसन करताना समजेपर्यंत सांगावे लागेल. विद्यार्थ्यांनी आपल्या क्षमतांवर विश्वास ठेवून काम केल्यास नक्कीच यश मिळेल.
धनु :–कुटुंबात तुमच्या कडून आईवडीलांना आनंद मिळेल. व्यवसायातील विकासासाठी आखलेल्या योजनांमधे अडचणी निर्माण झाल्याचे जाणवेल.
मकर :–जवळच्या मित्रांच्या मनातील विचार आज तुम्हाला ओळखता येणार आहे. महिलांना स्वयंपाकघरातील कामाबरोबर व्यवसायाच्या बाबतीत मोठा विचार करता येणार आहे.
कुंभ :–एकत्र नातेवाईकांच्या सहवासात स्वत:विषयीचा मोठेपणा मिरवता येणार आहे. कायदेशीर बाबतीतील कागदपत्रे हरवणार नाहीत याची काळजी घ्यावी लागेल.
मीन :–कोणत्याही गोष्टीचा अतिरेक करू नका. अचानक तुमच्या अंगावर आलेली जबाबदारी तुम्हाला टाळता येणार नाही. तुमच्या हातातील कामात कोणतीही तृटी राहणार नाही याची दखल घ्यावी लागेल.
||शुभं-भवतु ||