Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

बुधवार 29 डिसेंबर 2021 चे दैनिक राशीभविष्य

बुधवार 29 डिसेंबर चंद्ररास तूळ दिवसरात्र

कृष्णमूर्ती पद्धतीने नक्षत्रीय फलादेश

बुधवार 29 डिसेंबर चंद्ररास तूळ दिवसरात्र व चंद्रनक्षत्र स्वाती 26:38 पर्यंत व नंतर विशाखा. वरील दोन्ही राशी नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :– सामाजिक क्षेत्रातील व्यक्तींना आज कोणत्याही परिस्थितीत  नियोजित नव्या कामाला सुरूवात करता येणार आहे.  वयस्करांच्या मनातील लहान मुलाची वृत्ती जागी होईल.

वृषभ :–वैयक्तिक पातळीवर शांत वृत्तीने राहिल्यास समोरच्या बरोबर संबंध बिघडणार नाहीत. समाजातील प्रतिष्ठीत व्यक्तीच्या सहवासात रहाल.

मिथुन :–विद्यार्थ्यांनी आपल्या आत्मविश्वास  वाढ होण्यासाठी  मनापासून प्रयत्न करावेत. आज तुम्हाला साथीच्या व संसर्गजन्य रोगापासून काळजी घ्यावी लागणार आहे.

कर्क :–अविवाहितांना विवाहासाठी  आलेल्या स्थळांची सखोल चौकशी करा कांही गुप्त गोष्टी असतील. शब्दाने शब्द न वाढवता संयमाने वागावे लागेल. नवीन परिचयातून आनंद मिळेल.

सिंह :–घडलेल्या प्रसंगातून आत्मचिंतन केल्यास पुढील मनस्ताप होणार नाही. कुटुंबियांना आपलेसे करून  व्यवहार केल्यास त्यातूनही समाधान मिळेल.

कन्या :–जुने  वाद नव्याने उकरले जात असतील तर गोड बोलून मिटवण्याचा प्रयत्न करा. नियोजन व तुमच्या हातातील अधिकार यांच्या ताकती रच निम्मे काम यशस्वी कराल.

तूळ :–मनावर आलेले दडपण कमी करण्यासाठी आवडत्या व्यक्तींच्या सहवासात रहावे. विचार, नियोजन व तुमचे प्रयत्न यांनी कोणत्याही कठीण कामातही यश मिळवाल.

वृश्र्चिक :–नोकरीत सहकारी वर्गाबरोबर  असलेले मतभेद कमी करण्याचा प्रयत्न केल्यास त्यांच्याकडून चांगला प्रतिसाद मिळेल. वेळ व पैसे फुकट जाणार नाहीत याचा विचार करा.

धनु :–नोकरीतील नव्या आव्हानास आत्मविश्वासाने सामोरे जाल. तुमच्या कार्यक्षमतेवर विश्वास ठेवूनच कामाला सुरूवात करा. कोणत्याही व्यक्तीवर क्षुल्लक कारणावरून चिडचिड करू नका.

मकर :–सत्संगाच्या   अनुभवाने  मानसिक आनंद मिळेल. कोणत्याही कागदपत्रावर वाचल्याशिवाय सही करू नका. कोर्टाच्या कामात तुमच्याकडून समझोत्याची भाषा फायदेशीर ठरेल.

कुंभ :–कोणत्याही प्रकारे व्यसनापासून दूर रहा अचानक शारिरीक दुखापतीचा धोका आहे. तुमच्या स्वभावातील विक्षिप्तपणा वाढ होईल.

मीन :–वादविवाद, कलह यांपासून दूर रहा. मनातील विचार व्यक्त करण्याकरीता योग्य संधीची वाट बघत बसू नका. मनमोकळेपणाने बोलून टाका. मित्रमंडळींच्या आहारी जाऊ नका.

||शुभं-भवतु ||