Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

बुधवार 17 नोव्हेंबर 2021 चे दैनिक राशीभविष्य

बुधवार 17 नोव्हेंबर चंद्ररास मेष  दिवसरात्र. . चंद्र नक्षत्र अश्र्विनी 22:42 पर्यंत व नंतर भरणी.

कृष्णमूर्ती पद्धतीने नक्षत्रीय फलादेश

वरील दोन्ही राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

आज  वैकुंठ चतुर्दशीचा उपवासाचा दिवस आहे. मध्यरात्री विष्णुपूजन व अरूणोदयी शिवपूजन करण्याचा दिवस आहे. 

मेष :–स्थलांतराची संधी मिळणार आहे. पण जबरदस्तीने व तुमच्या मनात नसेल तर ते तुम्ही टाळू शकता. व्यवसायात, नोकरीत कांही प्रमाणात मानसिक गोंधळाची परिस्थिती निर्माण होईल.

वृषभ :–वैयक्तिक ताकदीच्या जोरावर  अवघडातील अवघड कामही करून दाखवाल. तुमच्या सेवावृत्तीला  मानसिक बळ मिळाल्यामुळे   सर्वांपेक्षा पुढे जाता येणार आहे. 

मिथुन :–वाहन चालवताना मोबाईलचा वापर करू नका व वेगावर ही नियंत्रण ठेवा. तुमचा तुमच्या स्वत:वरचा विश्वासच संकटातून तारून नेईल. तुम्हाला तुमची भूमिका स्पष्ट करावी लागेल. 

कर्क :–कायदेशीर कागदपत्रे बारकाईने वाचल्याशिवाय त्यावर सही करू नका. आर्थिक व्यवहारातील पारदर्शकपणा तुम्हाला दोषारोपातून मुक्त करेल. 

सिंह :– विवाहाच्या संदर्भातील रेंगाळलेले काम  वडील भावंडाच्या मदतीने मार्गी लागेल. उगाच तुमचा इगो आड आणू नका. कुटुंबातील वातावरण आनंदी राहील. 

कन्या :–नोकरीत किंवा कुटुंबातही दुसर्यांच्या कामात हस्तक्षेप करू नका. सामाजिक प्रतिष्ठा जपण्यासाठी तारेवरची ख रथ करावी लागेल. 

तूळ :– नोकरीत सहकार्‍यांच्या मदतीने  रेंगाळलेल्या कामाला मार्गी लावाल. राजकीय क्षेत्रातील मंडळीना अचानक आपली प्रतिष्ठा वाढत असल्याचे जाणवेल. 

वृश्र्चिक :–विद्यार्थ्यांनी स्पर्धात्मक गोष्टीत भाग घेतल्यास नक्कीच विजयी होणार आहात हे लक्षांत ठेवा. लोक आपल्याविषयी काय विचार करतात याचा विचार करावा लागेल. 

धनु :–आईवडीलांनी मुलांच्या बोलण्यावर विश्वास ठेवल्यास मुलांच्या मानसिक शक्तीमधे  चांगली वाढ होईल. स्वत:च्या जीवावर जे शक्य आहे तेवढेच  काम करा. 

मकर :–नोकरीत सहकार्यांबरोबरील संघर्ष  जेवढा टाळता येईल तेवढा टाळा.  जेवढे आर्थिक परिस्थितीबाबत उदासीन रहाल तेवढी मानसिक शांती मिळेल. 

कुंभ :–इतरांच्या मताना होकार देताना  विचार करूनच मगच होकार द्या. अनोळखी तसेच अपरिचीत व्यक्तींच्या बोलण्यावर फार  विश्वास ठेवू नका.  कोणत्याही प्रकारचा ताणतणाव ओढवून घेऊ नका. 

मीन :–निस्वार्थी मनाने केलेला आर्थिक व्यवहार तुमची प्रतिष्ठा वाढवेल. इतरांच्या मनात प्रेरणा जागवाल. प्रथम संततीकडून आनंदाची बातमी ऐकावयास मिळेल. 

||शुभं-भवतु ||