Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

सोमवार 15 नोव्हेंबर 2021 चे दैनिक राशीभविष्य

सोमवार 15 नोव्हेंबर चंद्ररास मीन दिवसरात्र व चंद्रनक्षत्र उत्तरा भाद्रपदा 18:08 पर्यंत व नंतर रेवती

कृष्णमूर्ती पद्धतीने नक्षत्रीय फलादेश

वरील राशी नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

आज भागवत एकादशी, चातुर्मास समाप्ती, तुलसीविवाहारंभ.

मेष :– आजचा दिवस अतिशय त्रासाचा व दगदगीचा राहणार आहे. औषधांच्या बाबतीत बेजबाबदारपणे वागू नका व इतरांच्या सल्ल्याने कोणताही  निर्णय घेऊ नका.

वृषभ. :–मित्राना भेटण्यासाठी मुद्धामहून प्रवास करावा लागेल. आजचा  वेळ मनोरंजनात व  आनंदात जाणार आहे. नोकरीतील प्रमोशनच्या बाबतीत तुम्हालाच अग्रक्रमाने महत्व दिले जाणार असल्याचे कळेल.

मिथुन :–व्यवसायातील प्रत्यक्ष कामापेक्षा नियोजनावर आज जास्त भर राहणार आहे. आईवडीलांच्या सल्ल्याने  घेतलेला निर्णय फायदेशीर असल्याचे जाणवेल.

कर्क :– लहान मुलांच्या पायाला दुखापत होण्याची शक्यता आहे. भागिदारीच्या व्यवसायात नवीन  गुंतवणूक करण्याची गरज निर्माण होईल.

सिंह :– कुटुंबातील मोठ्यांच्या गरजा भागवण्यासाठी यातायात करावी लागेल. सरकारी क्षेत्रातील मंडळीना नव्या प्रकरणाला तोंड द्यावे लागेल.

कन्या :–परगावी असलेल्या मुलांकडून क्षेम कळल्यामुळे  मानसिक शांतता वाटेल. तरूणांनी कोणत्याही प्रलोभनाला बळी पडू नये. भविष्यकाळातील कामाचे नियोजन वेळीच करा.

तूळ :–जमिनीच्या बाबतीतील व्यवहार  चौकशी न करताना आंधळेपणाने करू नका. सरकारी कागदावर न वाचता व माहिती न घेता सही करू नये.

वृश्र्चिक :–मुलांच्या प्रकृतीची काळजी घ्यावी लागेल संसर्गजन्य आजारापासून सावध रहा. गर्भवती महिलांनी शारिरीक कष्ट करताना  विचारानेच करावेत.

धनु :– मित्रमैत्रिणींच्या मदतीने महत्वाच्या विषयावर चर्चा करून समुपदेशन कराल. नोकरीमध्ये हातातील कामात  झालेला गुंता सोडवताना  नवीन गुप्त गोष्टीचा सुगावा लागेल.

मकर :–वडीलांना नोकरीतून निवृत्ती घेण्याची तीव्र इच्छा होईल. मनातील अनुत्तरीत प्रश्र्नांना प्राधान्य दिल्यास योग्य मार्ग सापडेल. सकारात्मक विचाराने चर्चा करा.

कुंभ :– बँकेकडे  मागितलेल्या कर्जासाठी  पुन:  बँक अधिकार्यांची भेट घ्या. राहत्या घराच्या जागेत बदल करायचा असेल आज निर्णय घेऊ नका. फुलांच्या  मार्केटला अचानक तेजी येईल.

मीन :–घरगुती खाऊच्या उद्योगातून  चांगली प्रगती होईल. विद्यार्थ्यांनी स्वतःच्या विचारांवर नियंत्रण ठेवावे उगाच  दुसर्यांच्या विचाराने दृष्टीकोन बदलू नये.

||शुभं-भवतु ||