Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

मंगळवार 09 नोव्हेंबर 2021 चे दैनिक राशीभविष्य

मंगळवार 09 नोव्हेंबर चंद्ररास धनु 22:26 पर्यंत व नंतर मकर. चंद्रनक्षत्र पूर्वाषाढा 16:59 पर्यंत व नंतर उत्तरा षाढा.

कृष्णमूर्ती पद्धतीने नक्षत्रीय फलादेश

वरील दोन्ही राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

आज पांडव पंचमी आहे.

मेष :–  मनामधे अचानक येणार्या विचारांना अवरोध करणे जमणार नाही तरीपण त्यांच्या आहारी जाऊ नका. व्यावहारिक पातळीवर बोलताना अविचाराने बोलू नका.

वृषभ :–तुमचे  म्हणणे ऐकून  न घेता इतरांकडून  तुमच्यावर विचार लादले जातील. नोकरीतील कायदेशीर बाबींची जबाबदारी तुम्हाला स्विकारावी  लागणार आहे.

मिथुन :–अपरिचित व्यक्तींच्या बोलण्यावर विश्र्वास ठेवून कोणताही निर्णय घेऊ नका. डाँक्टरांनी सांगितलेल्या गोष्टी पटल्या नसल्या तरी त्या काटेकोरपणे पाळा.

कर्क :–मनमोकळेपणाने नवीन ओळखी करून घेताना मानसिक आनंद मिळेल. आपली क्षमता ओळखूनच पुढील कामाचे नियोजन करा. संपूर्ण सप्ताहाचे नियोजन करताना व्यवहारिक रहावे लागेल.

सिंह :–प्रवासात त्रास होणार असल्यामुळे प्रवासाचा बेत रध्द करावा लागेल. विद्यार्थ्यांनी आपल्या अतीमहत्वाकांक्षेपोटी अविचाराने वागू नका नियोजनात बदल करू नका.

कन्या :–कालपासून सुरू झालेल्या कार्यक्रमातील तुमची हजेरी उल्लेखनीय राहील. आईवडीलांसोबत केलेल्या प्रवासाचे  अनुभव अतिशय आल्हाददायक राहतील.

तूळ :–हिशोबीपणाने वागताना नात्यांच्या  जबाबदारीला महत्व द्या. व्यवहार करताना जोखमीचा विचार प्रथम करावा लागेल.मित्रमंडळींच्या मदतीने व्यवसायातील नवीन योजना सुरू कराल.

वृश्र्चिक :–प्रकृतीच्या कारणास्तव तुम्हाला दोनचार दिवस आराम करण्याची गरज आहे याचे भान ठेवा. राजकीय क्षेत्रातील मंडळीनी आपण करत असलेल्या कामाव्यतिरीक्त दुसर्यांच्या कामात लक्ष घालू नये.

धनु :– मनातील इच्छा प्रत्यक्षात उतरवण्याकरीता आज तुम्ही कामाला प्राधान्य देणार आहात. न्यायालयातील रेंगाळलेल्या कामासाठी तज्ञांचा  सल्ला उपयोगी पडल्याचे जाणवेल. 

मकर :–नोकरीतील कोणत्याही कामातील दिरंगाई तुम्हाला त्रासदायक ठरेल. ट्रेडिंग करणार्‍यांनी सल्ल्याशिवाय नव्याने गुंतवणूक करू नये. लहान मुलांच्या पोटदुखीकडे दुर्लक्ष करू का.

कुंभ :–बर्याच दिवसापासून ठरलेल्या कामाला अचानक झपाटून  लागाल. शैक्षणिक संस्थेत काम करणार्यांना  नियमांच्या अधिन राहूनच काम करावे लागेल.

मीन :–तुमच्या नेहमीच्या  काम करण्याच्या  पद्धतीत बदल करावा लागेल. पूर्वी केलेल्या कामाचा आजपर्यंत न मिळालेला मोबदला  अचानक मिळणार असल्याचे कळेल.

||शुभं-भवतु ||