Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

मंगळवार 26 आँक्टोबर 2021 चे दैनिक राशीभविष्य

मंगळवार 26 आँक्टोबर चंद्ररास मिथुन दिवसरात्र व चंद्रनक्षत्र आर्द्रा अहोरात्र.

कृष्णमूर्ती पद्धतीने नक्षत्रीय फलादेश

वरील राशी नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :–फोटोग्राफी व चित्रकलेची आवड असलेल्यांनी आपला अभ्यासाचा उपयोग अर्थार्जनासाठी करायला हरकत नाही. गायक व किर्तनकार यांना चांगली संधी मिळणार आहे.

वृषभ :–अचानक गळा व घसा, घशाच्या  आतील बाजूचा त्रास सुरू होऊन गिळता येणार नाही.  हाँटेलमधील कर्मचार्‍यांनी नवीन  नोकरीच्या लोभापायी  चालू नोकरी सोडू नये.

मिथुन. :–आज नोकरीच्या ठिकाणी हातातील प्रत्येक काम शांततेने करा. इतरांवर तुमचे  मत लादू नका. नवीन ओळीच्या व्यक्तीला तुमची  कोणतीही माहिती देऊ नका. 

कर्क :–आज तुम्हाला तुमच्या  हातातील कामाच्या मदतीसाठी इतरांकडे मदत मागावी लागणार आहे. मिटींगमध्ये आज तुम्हाला   नेहेमीपेक्षा जास्त महत्व दिले जाणार आहे. 

सिंह :–प्रवासी खात्यात काम करणार्यांना अचानक मोठे काम मिळेल.तरूणांना ऐहिक सुखाची व उपभोगाची तीव्र इच्छा वाढेल. घरामधील वाद घरातच मिटवायचा प्रयत्न करा. 

कन्या :– प्रकृतीची काळजी घ्या. सर्दी, कफ याचा त्रास झाल्यास  त्याकडे दुर्लक्ष न  करता उपाय करा. कोणत्याही व्यक्तीवर आरोप करण्यापूर्वी  दहा वेळा विचार करा. 

तूळ :–दुपारनंतरचा कालावधी स्वत:च्या कामासाठी राखून ठेवावा लागेल. सामाजिक प्रश्र्नात आज फार अडकू नका. कुटुंबातील वातावरण आनंदी ठेवण्याचा प्रयत्न कराल. 

वृश्र्चिक :–नात्यातील मंडळींकडून तुमच्या वर टीका होतील. त्वचाविकार असलेल्यांना  अचानक विकार वाढल्याचे कळेल. मानसिक शांतीसाठी मेडीटेशनचा चांगला उपयोग होईल. 

धनु :–आज दिवसभर तुम्हाला उत्साहाचे भरते येईल. हातातील रेंगाळलेल्या कामांवर लक्ष दिल्यास कामे मार्गी लावता येतील. कोणतीही घाई करू नका. शांततेने घ्यावे लागेल. 

मकर :–सर्दी सदृश्य त्रासाला किरकोळ न समजता वेळीच उपचार करा. भावनेच्या भरात आपले विचार चुकीच्या पद्धतीने  व्यक्त केले जातील  तरी आधीच मनावर संयम ठेवा. 

कुंभ :–व्यवसायातील तुमच्या वाढलेल्या व्यापामुळे आज तुम्हाला काय करावे हे ठरवता येणार नाही. सर्वानीच आज प्रत्यक्ष काम करण्यापेक्षा फक्त नियोजन करावे. 

मीन :–व्यवसायातील अडचणींवर सापडलेला उपाय लागू न केल्याने आपण अडचणीत आल्याचे जाणवेल. आज उधार उसनवार कोणतेच व्यवहार करू नका. 

||शुभं-भवतु ||