Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

बुधवार  20  आँक्टोबर 2021 चे दैनिक राशीभविष्य

कृष्णमूर्ती पद्धतीने नक्षत्रीय फलादेश देत आहे

बुधवार 20 आँक्टोबर चंद्ररास मीन 14:01 पर्यंत व नंतर मेष. चंद्र नक्षत्र रेवती 14 :01 पर्यंत व नंतर अश्र्विनी..

कृष्णमूर्ती पद्धतीने नक्षत्रीय फलादेश

वरील दोन्ही राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

नवान्न पौर्णिमा, कार्तिक स्नानारंभ, आकाश दीपदान. 

मेष :– राजकीय क्षेत्रातील मंडळीना अचानक वेगळ्याच गोष्टींचा सुगावा लागेल. फँक्टरी वर्कर्सना अचानक पगारात वाढ मिळणार असल्याचे कळेल.

वृषभ :– शेजारील मंडळींच्या मदतीने एखाद्या गूढ गोष्टींचा उलगडा होईल. शिक्षणातील यशाच्या दृष्टीने तरूणांनी, विद्यार्थ्यांनी आपल्या दिशा नक्की कराव्यात.

मिथुन :– वकीली  व्यवसायातील मान्यवरांकडून  समाजाला आछ्चर्य चकीत करणारी घटना घडेल व रातोरात प्रसिद्धी मिळेल. महिलांचा त्यांच्या  चाणाक्षपणामुळे  इतरांवर प्रभाव पडेल.

कर्क :–प्रवचन व किर्तनकार  यांना  आपल्या कलेचे सादरीकरण करण्यात धन्यता वाटेल. धार्मिक  व आध्यात्मिक गोष्टींचे महत्व समाजाला समजावून सांगणे सोपे जाणार आहे. 

सिंह :–आज अचानक प्रकृतीच्या लहान सहान तक्रारी सुरू होतील व आज म्हणावा तितका उत्साह  राहणार नाही. नोकरीतील अपेक्षित बदलाची बातमी येईल तरीही थांबावे लागणार आहे.

कन्या :–अपत्यप्राप्तीच्या प्रतिक्षेतील जोडप्यांनी आता  दत्तक  संततीचा विचार करायला हरकत नाही. आजचा दिवस तुमच्यासाठी  महत्वाच्या निर्णयासाठी  चांगला आहे.

तूळ :–घरगुती व्यवसायासाठी काढलेल्या कर्जफेडीबाबतचा विचार जरा वेगळ्या मार्गाने केल्यास त्यातून उपाय सापडेल. महिलांच्या घरगुती उद्धोगाची चांगली वाढ होत असल्याचे जाणवेल.

वृश्र्चिक :– डोकेदुखी तसेच मायग्रेनच्या त्रासावर दुर्लक्ष न करता डाँक्टरी उपाय करा. कोणत्याही व्यक्तीवर क्षुल्लक गोष्टीतून लगेच हातघाईवर येऊ नका. मनाला संयम घाला.

धनु :–सार्वजनिक ठिकाणी तुमच्या हाताखालील व्यक्तीकडून आक्षेपार्ह कृत्य घडेल. नोकरीतही अनवधानाने समोरील व्यक्तीचा  तुमच्याकडून  अपमान होण्याचे प्रसंग येतील. 

मकर :– मुलांनी आपल्या आईवडीलांना  विचारल्याशिवाय महत्वाच्या कार्यातील निर्णय घेऊ नये. तरूणांच्या मनातील गोष्टींचा आज जराही वरीष्ठांना अंदाज येणार नाही.

कुंभ :–माहीत नसलेल्या क्षेत्रातील कामातील तुमच्या  हस्तक्षेपामुळे कामात बिघाड निर्माण होईल.  सरकारी कामातील दुर्लक्षित राहिलेल्या कामाकडे आज लक्ष दिल्यास दंड टळेल.

मीन :–आरोग्याच्या बाबतीत आज अगदी काटेकोर रहावे लागेल. विरोधकांच्या कोणत्याही कृत्याबाबत  तुम्ही  आज  लगेचच तुमचे विचार व्यक्त केल्यास अडचणीत याल. 

||शुभं-भवतु ||