Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

 गुरूवार 14 आँक्टोबर 2021 चे दैनिक राशीभविष्य

कृष्णमूर्ती पद्धतीने नक्षत्रीय फलादेश देत आहे

गुरूवार 14 आँक्टोबर चंद्ररास मकर दिवसरात्र व चंद्र नक्षत्र उत्तरा षाढा 09:34 पर्यंत व नंतर श्रवण.

कृष्णमूर्ती पद्धतीने नक्षत्रीय फलादेश

वरील दोन्ही राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे. 

महानवमी,  नवरात्रोत्थापन व देवीला बलिदान देण्याचा दिवस आहे.

मेष :– तुमच्याबरोबर स्पर्धेत असलेले अचानक मागे पडतील व तुम्ही मात्र यशाच्या मार्गावर रहाल. हितचिंतकांच्या सल्ल्याचा विचार करूनच निर्णय घ्या.

वृषभ :– उत्तम व्यक्तिमत्वासाठी केलेल्या उपायांना मूर्त स्वरूप आल्याचे जाणवेल. आवड व आत्मविश्वासाच्या बळावर स्पर्धा जिंकला. 

मिथुन. :–दुसर्यांतील उणीवांकडे आज प्रकर्षाने लक्ष जाईल पण त्याला महत्व न देता  सामंजस्य राखायचा प्रयत्न करा. प्रकृतीतील सुधारणेमुळे मानसिक समाधान मिळेल.

कर्क :– नोकरीच्या ठिकाणी अचानक जून्या  मित्रांची भेट होईल व  आंतरिक उर्जा वाढेल. शेजारच्यांकडून तुमच्या विषयीची समाधान देणारी बातमी कळेल.

सिंह :–कर्तव्य पार पाडताना तुम्हालाच लुटून नेल्याचे जाणवेल. महत्वाच्या व्यवहारासाठी  तज्ञांचा सल्ला घ्या अन्यथा नुकसान संभवते. 

 कन्या  :–आज तुमच्या प्रत्येक कृतीत हिशेबीपणा ठेवावा लागेल. असंबद्ध वागण्या बोलण्यातून अचानक गैरसमज वाढतील. वागण्यात स्पष्टपणा ठेवा.

तूळ :–मनातील विचारांच्या गोंधळाला वाट करून द्या. ब्लडप्रेशरचा त्रास संभवतो तरी काळजी घ्या. शैक्षणिक संस्थेमधील कर्मचार्‍यांनी स्वत:चा हेका चालवू नये.

वृश्र्चिक :– प्रतिस्पर्ध्यांबरोबर सुद्धा मनाचा मोठेपणा दाखवा.. व्यवसायातील त्रुटी भरून न काढता त्याबाबत शिरजोरी करू नका. अडचणीत याल.

धनु :– कौटुंबिक प्रश्नावरील चर्चा तुमच्या पुढाकारामुळे यशस्वी होईल.  विद्यार्थ्यांनी त्यांना  मिळालेल्या  अपयशाकडे सकारात्मकतेने विचार करावा. 

मकर :–प्रकृतीस्वास्थ्यासाठी साधा व  सकस आहार घेण्याकडे मानसिक कल ठेवा. तुमच्याकडील नकारात्मक विचारांचा पगडा, प्रभाव इतरांवर पाडू नका. 

कुंभ :–न्यायालयातील  कामातील घडामोडींवर तुम्हाला लक्ष ठेवावे लागेल. तरूणांच्या चैनी वृत्तीत व चंगळवादाच्या स्वभावात चांगलीच वाढ होईल. 

मीन :– संततीच्या प्रश्नांना प्राधान्यक्रम दिल्यास पुढील सर्वच प्रश्न सहजतेने सुटतील. ज्येष्ठ पुरूष मंडळीना मानसिक आनंदाचा व समाधानाचा दिवस आहे. 

||शुभं-भवतु ||