Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

 मंगळवार   12 आँक्टोबर 2021 चे दैनिक राशीभविष्य

कृष्णमूर्ती पद्धतीने नक्षत्रीय फलादेश देत आहे

मंगळवार 12 आँक्टोबर चंद्ररास धनु दिवसरात्र व चंद्रनक्षत्र मूळ 11:25 पर्यंत व नंतर पूर्वाषाढा.

कृष्णमूर्ती पद्धतीने नक्षत्रीय फलादेश

वरील दोन्ही राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत.

सरस्वती पूजन त्रिरात्रोत्सवास सुरूवात होत आहे. महलक्ष्मी पूजन, घागरी फुंकणे. 

मेष :–आज तुमच्या हातून होणार्या  कामापासून तुम्हाला तुमच्या भाग्योदयाचा  रस्ता  सापडेल. विद्यार्थ्यानी आपल्या उज्वल यशासाठी श्री सरस्वतीची प्रार्थना करावी.

वृषभ :– बँकेसारख्या ठिकाणी काम करणार्या  अधिकार्‍यांनी अती महत्वाचे काम आज करू नये. पोलीस  खात्यातील  अधिकार्यांनी नियमाच्या बाहेर जाऊन काम करू नये.

मिथुन :–समाजकार्याची आवड असलेल्यांना लोकांकडून आदर मिळेल. वकीलांनी आपल्या बोलण्यावर संयम ठेवावा अन्यथा  समाजाकडून टिका सहन करावी लागेल.

कर्क :–ध्यान धारणा करण्याच्या दृष्टीने मान्यवर गुरूंकडूनच मार्गदर्शन होईल. तरूण मंडळीना आज देवीच्या उपासनेतून  सकारात्मक उर्जा मिळेल. लहान मुलांच्या कडून झालेल्या चुकांबद्धल त्यांना समजावून सांगा.

सिंह :–शिक्षकांना  त्यांच्या सेवाभावी कार्याबद्दल पुरस्कार जाहीर होणार असल्याचे संकेत मिळतील. संततीसाठी केलेल्या गुंतवणुकीवर  चांगला परतावा मिळणार आहे.

कन्या :–स्कष्टाने मिळवलेल्या पैशातून आईवडीलांसाठी त्यांच्या  आवडत्या वस्तूची खरेदी कराल. धार्मिक कार्य करणार्याना  आजच्या पूजा कार्यासाठी मानाचे स्थान मिळेल.

तूळ :–शत्रूपक्षावर विजय मिळवण्यासाठी राजकीय क्षेत्रात तुमची चढाओढ लागेल. शाळकरी विद्यार्थ्यांनी आपले उद्धीष्ट निश्चित करावे व त्यादृष्टीने मार्गदर्शन घेण्यास आजचा दिवस अतिशय लाभदायक आहे.

वृश्र्चिक :–डोकेदुखीच्या त्रासातून बाहेर पडण्यासाठी डाँक्टरांनी दिलेल्या तपासण्या करून घेणे आवश्यक आहे. बाल सुधार गृहासाठी तुमच्या उत्पन्नातील कांही रक्कम खुशीने द्याल.

धनु :–मोठेपणाच्या खोट्या कल्पनेसाठी विनाकारण मोठा खर्च कराल. विद्यार्थी नाविन्याकडे  आपणहून वळणार आहेत तरी पालकांनी त्यांना सपोर्ट करावा.

मकर :–आत्मपरीक्षण करण्याची संधी मिळाल्याने तुमच्या कामातील अडथळे आपोआप दूर होतील. वकिलांकरीता  आजची कसोटीची वेळ असणार आहे.

कुंभ :– व्यवसायात  घडणार्‍या लहान सहान गोष्टी मनाला लावून घेऊ नका. महिलांनी आपल्या मनातील गोष्टी इतरांना सांगू  नयेत. नवीन ओळखीतून आनंद मिळेल.

मीन :–मागिल अनुभवाचा विचार करून आज कोणताही नवीन निर्णय घेऊ नका. कलाकार व गायकांना आजचा दिवस मान सन्मानाचा राहणार आहे

||शुभं-भवतु ||