Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

गुरूवार  07 आँक्टोबर 2021 चे दैनिक राशीभविष्य

गुरूवार 07 आँक्टोबर चंद्ररास कन्या 10:17 पर्यंत व नंतर तूळ. चंद्रनक्षत्र चित्रा 21:12 पर्यंत व नंतर स्वाती.

कृष्णमूर्ती पद्धतीने नक्षत्रीय फलादेश

वरील दोन्ही राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

आज घटस्थापना नवरात्राचा पहिला दिवस.

मेष :–कुटुंबात जोडीदाराबरोबर  अचानक खटाखटी चा प्रसंग येईल. वयस्कर मंडळीना सांधेदुखीचा त्रास वाढल्याचे जाणवेल व दवाखान्यात जाणे भाग पडेल.

वृषभ :– मुलीला नवीन नोकरी मिळाल्याची आनंदाची बातमी कळेल. बदली होऊन लांब गेलेला मुलगा, मुलगी  यांना परत होम टाऊनला येण्याची संधी मिळेल.

मिथुन :– आईच्या  माहेरकडील ज्येष्ठ व्यक्तीचा मोठा पाठींबा मिळाल्याने अडलेले राजकीय काम मार्गी लागेल. पोलीस खात्यातील मंडळीना अचानक कामाचा ताण कमी होईल.

कर्क :– आईच्या इच्छेसाठी उच्चशिक्षणाच्या अभ्यास करणार्यांना चांगले यश मिळाल्याचे कळेल.  ज्येष्ठांच्या विचाराने घेतलेल्या निर्णयाचा आदर करा.

सिंह :–तुम्ही केलेल्या मनाच्या निश्चयापुढे  कोणाचेही काहीही चालणार नाही. न्यायप्रविष्ट असलेल्या बाबतीत तुम्ही एकांगी विचाराने निर्णय घेऊ नका.

कन्या :– गर्भवती महिलांनी आज विशेष काळजी घ्यावी, आरामच करावा. अपत्य प्राप्तीच्या इच्छुकांना आपल्या इच्छा लवकरच पूर्ण होणार असल्याचे जाणवेल.

तूळ :–आज तुमच्यातील कामाचा जोर वाखाणण्यासारखा असेल. अवघड काम तुम्ही आज अगदी सहजपणे करून दाखवाल. कामाच्या ठिकाणी वरिष्ठांकडून  कौतुकच होणार आहे.

वृश्र्चिक :– कामातील क्लीष्टपणा ओळखून कामाचे चँलेंज स्विकाराल.  विद्यार्थ्यांना आपल्या नियोजित शिक्षणापेक्षा वेगळेच शिक्षण घेण्याची इच्छा निर्माण होईल.

धनु :– नोकरी नसलेल्यांनी या नवरात्रापासून लहानशा उद्योग सुरू करण्याचे ठरवावे  त्याबाबतची मदत तुम्हाला आपोआप मिळणार आहे. कोणापुढेही हात पसरावे लागणार नाहीत.

मकर :–आज तुमच्या मदतीने  कुटुंबात  नवरात्राची  साग्रसंगीत सुरूवात  होणार  आहे. चित्रकार मंडळीना त्यानी काढलेल्या चित्रांना चांगली मागणी असल्याचे जाणवेल.

कुंभ :–आर्थिक नुकसान भरून काढण्याकरता माल चढ्या दराने विकण्याचा विचार कराल. सौंदर्यप्रसाधनाच्या उद्योगातून आज  अचानक चांगली प्राप्ती होणार आहे.

मीन :–  खेळाडूंनी आपल्या आवडत्या खेळाकडे जास्त लक्ष दिल्यास  एखादी स्पर्धा जिंकू शकाल. नोकरीत रेंगाळलेल्या कामाबाबतचा स्पष्टीकरण देणारा अहवाल सादर करावा लागेल.

||शुभं-भवतु ||