Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

शुक्रवार 1 ऑक्टोबर 2021 चे दैनिक राशिभविष्य

शुक्रवार 1 ऑक्टोबर चंद्र रास कर्क दिवस-रात्र व नंतरही कडकच आहे ये चंद्र नक्षत्र पुष्य 26 56 पर्यंत व नंतर अश्लेषा

कृष्णमूर्ती पद्धतीने नक्षत्रीय फलादेश

वरील राशी नक्षत्रांचा विचार करून व आजच्या पहाटेच्या 05:30 च्या कुंडलीनुसार कृष्णमुर्ती पद्धतीने नक्षत्र फलादेश देत आहे

दशमी  श्राद्धाचा दिवस आहे

मेष:– आज नोकरीतील मागिल  पगारातील राहिलेली  रक्कम मिळण्याचे निरोप मिळतील. यातूनही अचानक लाभ होतील वडिलाबाबत काळजी वाढवणार्‍या घटना घडतील .

वृषभ:– व्यवसायातील ज्या गोष्टीच्या परवानगी साठी  प्रयत्न करत आहात ती परवानगी लवकरच मिळणार आहे.  तुम्हाला एखाद्या पुस्तक प्रकाशनाला हजर राहण्याची संधी मिळेल. 

मिथुन:– राजकीय क्षेत्रात काम करणाऱ्यां वर एखादा फौजदारी खटला भरला जाण्याचा धोका आहे. तरी जपून राहावे लागेल.  अंधश्रद्धेच्या विचाराने उगाच आज साप साप  म्हणून भूई  धोपटू नका. 

कर्क :– बऱ्याच दिवसापासून मनातील रेंगाळलेल्या विचारांना मोकळी वाट करून देणे आज तुम्हाला कामाच्या लिस्टमधील कोणते काम महत्वाचे तुम्हाला ठरवावे लागेल.

सिंह :– मित्राच्या कामासाठी पोलीस टेशनला जाण्याचा योग येईल व्यवसायात झालेल्या दिवाळखोरी बाबत बँकेचे कर्ज घेणे हाच शेवटचा उपाय आहे हे लक्षात येईल.

कन्या :– शिक्षणाच्या बाबतीत जराही हलगर्जीपणा  न केल्याने मिळालेल्या यशाचे सर्वत्र कौतुक होईल. सार्वजनिक क्षेत्रातील अंतर्गत निवडणुकीला उभे राहण्याची तीव्र इच्छा निर्माण होईल होईल.

तूळ :– प्रथम संततीच्या या जुन्या आजारपणावर योग्य तो डॉक्टरी उपाय सापडेल. वयस्कर मंडळीना अचानक राजकीय मंडळींनी विषयी प्रेम वाटू लागेल. 

वृश्चिक:– कुटुंबामध्ये ज्येष्ठांच्या सल्ल्याने कुळधर्म म्हणून पूजा करण्याचे ठरेल. हातात घेतलेल्या कामात दिरंगाई  केल्यास काम हातातून निसटून जाईल. 

धनु:– ज्योतिष शास्त्राचा गूढ अभ्यास करणाऱ्याना अतिशय योग्य अशा शिक्षकाची किंवा गुरुची  भेट होईल. ज्यांना द्वितीय संतती ची अपेक्षा आहे  त्यांना  गोड बातमी कळेल. 

मकर :– कॉलेजमधील प्रवेशाबाबत मनातील द्विधा परिस्थितीतून बाहेर पडण्या करिता ज्येष्ठांचा सल्ला घ्यावा . कफ प्रवृत्तीच्या मंडळीने थंड पाणी पिणे  टाळावे. 

कुंभ:– जुन्या आजारावर उपचारासाठी आयुर्वेदिक औषधांची मदत घ्यावी लागेल. तरुणांना अचानक अपचनाचा  व ऍसिडिटीचा  त्रास होईल. 

मीन:– नेमबाजी शिकणाऱ्यांना पुढील शिक्षण घेण्यासाठी दुसऱ्या ठिकाणे जाण्याची संधी मिळेल.  स्टेशनरीच्या दुकानदारांना अचानक मोठे नुकसान सोसावे लागेल. 

|| शुभं-भवतु ||