Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

 मंगळवार  28  सप्टेंबर 2021 चे दैनिक राशीभविष्य

मंगळवार  28  सप्टेंबर  चंद्ररास वृषभ  07:13 पर्यंत व नंतर मिथुन. चंद्रनक्षत्र मृगशीर्ष 20:42  पर्यंत व नंतर आर्द्रा.

कृष्णमूर्ती पद्धतीने नक्षत्रीय फलादेश

वरील राशीचा व दोन्ही नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

सप्तमी श्राद्धाचा दिवस. 

गजगौरी व्रत   (हादगा – भोंडला). 

 मेष :–वजन कमी करण्याच्या नादाने  कमी खाणार्यांना अचानक त्रास होऊ लागेल. कोणाशीही स्पर्धा करण्याचे मनातही आणू नका..व्यवसायातील त्रुटी भरून काढण्यासाठी प्रयत्नशील रहाल.

 वृषभ :– कुटुंबातील मंडळींसाठी वेळ काढावा लागेल. लहान मुलांबरोबर न खेळल्याने मुलांची चिडचिड वाढेल.नोकरीतील कामाचा व्याप वाढणार आहे. 

मिथुन :–आज तुम्हाला शारिरीक व मानसिक ताण सोसणार नाही. तरी स्वत:विषयीची काळजी घ्या. शैक्षणिक क्षेत्रातील मंडळीना रिसोर्स पर्सन म्हणून निवडले जाईल. 

कर्क :–आज कोणत्याही प्रकारची खरेदी करण्याचे टाळा कारण आजच्या नंतर पैसे खर्च होण्याचे स्पीड  कमी  न होता अचानक वाढेल. अचानक निर्णय घेऊ नका. 

सिंह :–जवळचे नातेवाईक  तुमच्या प्रेमाखातर खूप कष्ट घेतील.  पाळीव प्राण्याच्या बाबतीत जागरूक रहावे लागेल.  बोलताना संयम राखण्याची गरज आहे. 

कन्या :– नोकरीतील पेंडींग कामाना आज सुरूवात कराल तर लवकर कामाचा निचरा  होईल. घरामधील वातावरण अतिशय आनंदाचे व प्रसन्न राहील. 

तूळ :–आर्थिक बाबतीत तुमचे स्वत:चे  विचारच महत्वाचे ठरतील. कलाकारांनी आपल्या कलागुणांना वाव  कसा मिळेल याचा विचार करूनच उडी मारावी. 

वृश्र्चिक :– सार्वजनिक क्षेत्रात  स्वत:ची ओळख  तयार करण्याकडे विशेष कल राहील. आरोग्याच्या दृष्टीने तरूणांना अतिशय चोखंदळ  रहावे लागेल. 

धनु :–कोणाचे म्हणणे खरे आहे हे तुम्हाला ठरवणे अवघड जाणार  आहे. प्रमोशनच्या बाबतीत स्वत : हून तुमचे मत व्यक्त करू नका. 

मकर :–  नियमबाह्य केलेल्या कामामुळे तुम्ही अडचणीत येण्याचा धोखा आहे. पत्रकार मंडळीनी बातमीतील खरे खोटेपणा तपासून घ्यावा. 

कुंभ :– लहान मुलांच्या डाव्या डोळ्याला आज दुपारनंतर दुखापत होण्याची घटना घडेल. लहानशा गोष्टीवरून कुटुंबातील वादविवाद वाढतील. 

मीन :–कुटुंबियांना तुमच्याविषयी अतीव प्रेम निर्माण होईल. तसेच कामाच्या ठिकाणीही तुमचा आदर वाढल्याचे लक्षांत येईल.