Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

 शनिवार  25 सप्टेंबर 2021 चे दैनिक राशीभविष्य.

शनिवार  25  सप्टेंबर चंद्ररास  मेष  18:15  पर्यंत व नंतर वृषभ. चंद्रनक्षत्र भरणी 11 :32 पर्यंत व नंतर कृतिका.

कृष्णमूर्ती पद्धतीने नक्षत्रीय फलादेश

वरील राशी नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

पंचमी श्राद्धाचा दिवस आहे. 

मेष :–नोकरी, धंद्यात तुमच्या मताचा आदर केला जाईल व महत्त्वही मिळेल. तुमच्या अंगी असलेल्या नेतृत्व गुणाला  चांगला वाव मिळणार आहे. 

वृषभ :–तुमच्या कडील कलागुणांना आज खूपच महत्व मिळेल व कौतुकही होईल. मनात दडलेल्या इच्छा, अपेक्षांना  पूर्ण करण्याचे   मार्ग सापडतील.

मिथुन :–शेजारच्यांसाठी अगदी जिवाचे रान करून मदत कराल. पतीपत्नीच्या व्यवसायात अचानक वृद्धी होणारे प्रसंग येतील व व्यवसाय दुपटीने चालणार असल्याचे संकेत मिळतील.

कर्क :–कोणत्याही कामाची तयारी  करताना बिनचुक करावी लागेल नाहीतर इतरांकडून तुमचे हसू होईल. वयस्कर मंडळीना गुडघ्याच्या दुखण्यातून बरे  होत असल्याचे जाणवेल.

सिंह :–संत पुरूषांची भेट होऊन चार उपदेशाचे धडे मिळणार आहेत. वयस्कर मंडळीना तिर्थ क्षेत्री जाण्याची ओढ लागेल. तुमच्या मनातील आनंदाच्या गोष्टी तुम्हाला इतरांना कधी सांगतो याची घाई होईल.

कन्या :–व्यवसायातील कर्जमुक्तीसाठी   महिला आपल्या स्वकष्टार्जित धनाचा मनापासून वापर करण्यास तयार होतील. इंजिनीयर मंडळीना नवीन खाजगी कामासाठी विचारले जाईल. 

तूळ :–तरूणांना विवाहाची बोलणी कधी होतील याची घाई लागेल. घरातील तुमच्या बाबतीतील  गुप्त गोष्टींवरील चर्चा अती ताणली जाईल. 

वृश्र्चिक :– आज दुपारनंतर एखादी दु:खद बातमी कानावर येईल. आईच्या प्रकृतीची काळजी मोठे रूप घेईल. घरगुती व्यवसायात आज नवीन भांडवल गुंतवाल. 

धनु :–तुमच्यावर सोपवलेली रोजची कामे रोजच्या रोज मार्गी न लावल्याने नुकसान झाल्याचे जाणवेल. मुलांच्या आवडी निवडीत आपोआपच सकारात्मक बदल होईल. 

मकर :–ज्यांच्या उजव्या गुडघ्याचा  आँपरेशन करावयाचे आहे त्यांनी आज योग्य निर्णय घ्यावा. . निद्रानाश असलेल्यांना आज खूप शांतपणे झोप लागणार आहे. 

कुंभ :–स्टेशनरीच्या दुकानदारांना अचानक आपली  खात्रीची  गिर्हाइके कमी झाल्याचे जाणवेल. घरगुती उद्योगासाठी राहत्या घराचा वापर करावा लागेल. 

मीन :– घरी जवळच्या किंवा सासुरवाडीच्या मंडळींचे येणे होईल. लहान मुलांच्या समोर कौटुंबिक समस्यांची चर्चा करू नका. कुटुंबात अचानक आनंदाचे वातावरण राहील. 

|| शुभं-भवतु ||