Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

शुक्रवार 24 सप्टेंबर 2021 चे दैनिक राशीभविष्य

शुक्रवार 24 सप्टेंबर चंद्ररास मेष दिवसरात्र व चंद्रनक्षत्र अश्र्विनी  08:53  पर्यंत व नंतर भरणी.

कृष्णमूर्ती पद्धतीने नक्षत्रीय फलादेश

वरील दोन्ही राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

आज संकष्ट चतुर्थी असून चंद्रोदय 20:48 चा आहे. (मुंबई)

चतुर्थी श्राद्ध व भरणी श्राद्धाचा दिवस आहे.

मेष :–तुम्ही ज्या ज्या क्षेत्रात कार्यरत असाल तेथील कामाबाबतचा तुमचा उत्साह वाढेल. इतरांचा  हस्तक्षेपही कमी होईल. राजकीय क्षेत्रातील मंडळीना आज विरोधक फारसा त्रास देणार नाहीत.

वृषभ :–पुन: पुन: मागिल गोष्टींचा विचार करत बसलात तर हातातील कामावर नकारात्मक परिणाम होणार आहे. प्रकृतीची ही विशेष काळजी घ्यावी लागेल.

मिथुन :–आजपर्यंत ज्या कामात तुम्ही धाडस दाखवले आहे  तेथे यशाचा मार्ग सुरू होईल. आर्थिक कामकाजात पारदर्शकपणा ठेवल्यास कोणतीच अडचण उद्भवणार नाही.

कर्क :–व्यवसाय उद्योगधंद्यात कोणावरही विसंबून राहू का. राजकारण व त्यातील अधिकाराबाबत अतिशय जागरूक रहा. आईवडिलांच्या प्रकृतीची काळजी घ्यावी लागेल.

सिंह :–हातातील कामाला महत्व देऊन त्यानुसार विचार करावा व कामाचे नियोजन करा. कामात होणारी दगदग, कष्ट हे वाया न जाता उलट लाभाचे आकडे  वाढणार आहेत. 

कन्या :–आर्थिक बाबतीत काटेकोर राहिल्यास नुकसान होणार नाही. कोणत्याही प्रकारची लाँटरी किंवा कोणत्याही शेअर्समध्ये आज पैसे गुंतवू नका.

तूळ :–इतरांच्या कामात जराही हस्तक्षेप करू नका. व्यवसायातील त्रूटी वर लक्ष केंद्रीत करा. आर्थिक नोंदी ठेवताना कोणत्याही प्रकारची घाई करून काम उरकू नका.

वृश्र्चिक :–नवीन व्यवसायाच्या वाटा जरी सापडल्या असल्या तरी सल्ला न घेता घाईने काहीच  करू नका. काका व आत्या यांजकडून तुमचे कौतुक होईल.

धनु :–कुटुंबासाठी अचानक खर्चाची प्रकरणे निघतील. प्रत्येकाच्या गरजा भागवताना तुमच्या नाकी नऊ येतील. नोकरदार मंडळीनी समंजसपणे विचार करूनच निर्णय घ्यावेत.

मकर :–आईवडिलांच्या समाधानासाठी तुम्ही तुमच्या मनाला मुरड घालाल. नोकरदारांनी आपल्या हातातील कामात केलेली दिरंगाई त्रासदायक ठरणार आहे.

कुंभ :– किरकोळ उद्योगातूनही चांगले उत्पन्न होत असल्याचे जाणवेल. घरगुती उद्योगातून मोठी उडी मारता येणार आहे. कुटुंबात आनंदाचे वातावरण राहील.

मीन :–मोठमोठी स्वप्ने पाहणार्‍यानी मनात कोणतीही भिती न बाळगता आपले काम सुरू ठेवावे. हातातील प्रत्येक क्षणाचा वापर कामासाठी केल्यास मोठ्या यशाचा मार्ग सापडेल.

||शुभं-भवतु ||