Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

गुरूवार 02  सप्टेंबर 2021 चे दैनिक राशीभविष्य

गुरूवार 02 सप्टेंबर चंद्ररास मिथुन दिवसरात्र व चंद्रनक्षत्र आर्द्रा 14:55 पर्यंत व नंतर पुनर्वसु.

कृष्णमूर्ती पद्धतीने नक्षत्रीय फलादेश

वरील राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :–दुसर्यांवर सोपवलेल्या कामाचा आढावा घ्यावा लागेल.  ठरलेल्या विवाहाच्या बाबतीतील बोलणी सकारात्मकतेने पुढे सुरू ठेवावी लागतील.

वृषभ :–जोडीदाराबरोबरचे संबंध हसते खेळते ठेवल्यास  मनावरील ताण कमी होईल. व्यवसायातील कामकाजात गांभिर्याने लक्ष घालावे लागेल.

मिथुन :–मिळालेल्या परदेश गमनाच्या संधीबाबतचा गांभिर्याने विचार करा. भावनेच्या भरात काम करण्यापेक्षा वस्तुस्थितीला महत्व द्यावे लागेल.

कर्क :– भावंडाकडून मिळणार्‍या सहकार्यामुळे  कामातील अडचणी दूर होतील. व्यावसायिक बोलणी करताना नात्यातील ज्येष्ठांची मदत घ्या.

सिंह :–संसर्गजन्य आजारापासून आज तुम्हाला अतिशय सावध रहावे लागेल. विरोधकांच्या विरोधाला फारसे महत्व न देता तुम्ही तुमचे काम  तसेच सुरू ठेवा.

कन्या :– वेळीअवेळी जेवण्याने पचनाबाबत तक्रारी सुरू होतील. वयस्कर मंडळीनी आपली तब्बेत सांभाळूनच पाहुणचार घ्यावा. मुलांचा अतिशय आनंदाचा व लाभाचा दिवस आहे.

तूळ :–आर्थिक व्यवहारात बोलण्यावर नियंत्रण ठेवल्यास व्यवहार बिघडणार नाही. कलाकारांना व शिकाऊ विद्यार्थ्यांना कला सादर करण्यासाठी गुरूजनांची सहकार्य मिळेल.

वृश्र्चिक :–पूर्वी डोक्याला मार लागलेल्या ठिकाणी पुन: वेदना होत असल्याचे जाणवेल. कोणत्याही महत्वाच्या बाबतीत  विचार न करता कामासाठी घाई करू नका.

धनु :–आईच्या माहेरहून आर्थिक लाभ होईल. अध्यात्मिक उपासकांनी आपल्या ऊपासनेच्या मार्गात अडथळे येणार्या गोष्टी येऊ देऊ नयेत आपल्या विचारांशी ठाम रहावे. 

मकर :–कुटुंबातील प्रश्र्नांना प्राधान्य देऊन मग इतर गोष्टी करा. कोणत्याही व्यक्तीवर क्षुल्लक कारणावरून चिडचिड करू नका किंवा वादही निर्माण करू नका.

कुंभ :–मुलांच्या कलागुणांना वाव मिळणार आहे. कोणत्याही अत्यावश्यक कारणाशिवाय प्रवास करू नका. कुटुंबातील महत्वाच्या निर्णयात तरूणांचे मत विचारात घ्या.

मीन :–गुंतवणूक करताना इतरांचे ऐकण्यापेक्षा स्वत: विचार करा. नातेवाईकांच्या गरजेसाठी  खंबीरपणाने ऊभे रहावे लागेल. नोकरीत सहकारी वर्गाकडून चांगले सहकार्य मिळेल. 

| शुभं-भवतु ||