Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

शनिवार 12 जून 2021 चे दैनिक राशीभविष्य

शनिवार 12 जून चंद्ररास मिथुन. दिवसरात्र व चंद्रनक्षत्र आर्द्रा 16:56.पर्यंत व नंतर पुनर्वसु.

वरील राशी नक्षत्रांचा
विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.
मेष :–आज तुमची समयसूचकता एकदम कारणी लागेल आणि तुमच्या धाडसाने प्रसंगातून अलगद बाहेर पडाल.
व्यावसायिक कामात होणार्‍या बिघाडावर योग्य उपाय सापडेल. बर्याच दिवसापासून रखडलेले तुमचे घर लवकरच
ताब्यात येणार असल्याचा निरोप येईल.

वृषभ :–नोकरीत बदली किंवा कामातील बदल स्विकारावा लागेल. तुमचे कोणतेही तंत्र उपयोगी पडणार नाही.
व्यवसाय व मार्केटींगचा उद्धोगाची आलेख अचानक उंचावत जात असल्याचे लक्षात येईल.

मिथुन. :–कुटुंबाकरता व जवळच्या नातेवाईकांकरीता आर्थिक बोजा उचलावा लागेल. घरातील दुरूस्तीची कामे आता
परत पुढे ढकलली जातील. शिक्षणासाठी परदेशी जाऊ इच्छिणार्यांना आर्थिक बाबतीत आवश्यक ती मदत मिळेल.

कर्क :–विचार न करता खरेदी केल्यामुळे अनावश्यक खर्च वाढतील. नोकरीत तुमच्या कामावर, कामाच्या पद्धतीवर
वरीष्ठ खूष होतील. नव्याने गुंतवणूक करता असाल तर स्वत:च्या विचाराने निर्णय घेऊ नका.

सिंह :–तुम्हाला तुमच्या आवडत्या क्षेत्रात काम करता येणार असल्याचे चित्र स्पष्ट होईल. लहान सहान कारणावरून
ही आज तुम्हाला आनंद मिळणार आहे. कोणत्याही अत्यावश्यक कारणाशिवाय प्रवास करू नका.

कन्या :–वडीलांच्या मध्यस्थीने मित्राच्या आईला दवाखान्यात अँडमिट करणे सोपे जाईल. सार्वजनिक जीवनात
वादळ उठणार नाही याची काळजी घ्या. जमीनीची रेंगाळलेली कामे तातडीने हातात न घेतल्यास त्यामधील गुंता
वाढेल.

तूळ :–गर्भवती महिलांनी प्रकृतीची विशेष काळजी घ्यावी. वडिलांच्या प्रकृतीची काळजी घेताना नवीनच किडनीचा
प्राँब्लेमही त्रास देऊ शकेल. तरूणांना आपल्या नोकरीच्या ठिकाणी मनासारख्या घटना घडतील.

वृश्र्चिक :–नोकरीत अचानक वेतनात वृद्धी झाल्याचे कळेल. शिक्षक मंडळीना आजचा दिवस मानसन्मानाचा
आजचा राहणार आहे. विद्यार्थ्यांनी गेले वर्षभर घेतलेल्या कष्टाचे चीज झाल्याचे लक्षात येईल. तरूणांचे व्यवहार
संशयात अडकतील.

धनु :–तरूणांनी वाईट संगतीपासून व व्यसनापासून दूर रहावे. आईच्या प्रकृतीची काळजी वाढेल व प्रसंगी
दवाखान्यात उपचारासाठी दाखल करावे लागेल. आज फक्त कामाकडे लक्ष दिल्यास काम शिल्लकच राहणार नाही.

मकर :–घरगुती व्यवसायात आर्थिक आवक चांगली राहील व नव्याने गुंतवणूक करावी वाटेल. जून्या मित्रांची भेट
घडेल व सर्वानाच त्यातून आनंद मिळेल. वडिलांच्या नोकरीतील मागील बाकी असलेले येणे मिळण्याचे कळेल.

कुंभ :–आज रागावर नियंत्रण ठेवल्यास कामात कोणत्याही प्रकारचा बिघाड होणार नाही. आजचा दिवस तुम्हाला
डबल ताकदीने व धडाडीने काम करण्यास सांगत आहे. उत्तम कार्यशक्ती मुळे रेंगाळलेल्या प्रोजेक्टला मार्गी
लावण्याचे आश्वासन द्याल.

मीन :–आज त्रासदायक व्यक्तीच्या आसपासही फिरकू नका. कुटुंबातील महत्वाच्या निर्णयात तरूणांचे मत
विचारात घेतल्यास सर्व कामाचे स्वरूपच बदलून जाईल. कलाकार मंडळीना आपल्या कलेचे सादरीकरण करण्याची
महत्वाची संधी मिळेल.

||शुभं–भवतु ||