Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

रविवार 07 फेब्रुवारी 2021 ते शनिवार 13 फेब्रुवारी 2021 पर्यंतचे साप्ताहिक राशी भविष्य

रविवार 07 चंद्ररास वृश्र्चिक 16:14 पर्यंत व नंतर धनु. चंद्रनक्षत्र ज्येष्ठा 16:14 पर्यंत व नंतर मूळ.

सोमवार  08 चंद्ररास धनु दिवसरात्र. व चंद्रनक्षत्र मूळ 15:20 पर्यंत व नंतर पूर्वाषाढा. मंगळवार 09 चंद्ररास धनु 20:30 पर्यंत व नंतर मकर. चंद्रनक्षत्र पूर्वाषाढा 14:38 पर्यंत व नंतर उत्तराषाढा. . बुधवार 10 चंद्ररास मकर दिवसरात्र व चंद्रनक्षत्र उत्तराषाढा 14:11 पर्यंत व नंतर श्रवण. गुरूवार 11 चंद्र रास मकर 26:10 पर्यंत व नंतर कुंभ. चंद्रनक्षत्र श्रवण 14:04 पर्यंत व नंतर धनिष्ठा. शुक्रवार 12 चंद्ररास कुंभ दिवसरात्र व चंद्रनक्षत्र धनिष्ठा 14:22 पर्यंत. शनिवार 13 चंद्ररास कुंभ दिवसरात्र व चंद्रनक्षत्र शततारका 15:10 पर्यंत.

9 , 10  व 11 हे तीनही दिवस चांगले नसल्याने या दिवसात महत्वाची कामे करू नयेत.

वरील सर्व राशी नक्षत्रांचा विचार करून व रोजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :–12   व 13. तारखेला मित्रमंडळींबरोबर च्या मिटींगमधे नवीन प्रोजेक्टच्या बाबतीत चर्चा होईल. आर्थिक बाब खुलेपणाने बोला. 10  व 11 रोजी एखाद्या संस्थेची कमिटी तयार होऊन त्यात तुम्हाला महत्वाचा पदभार  दिला जाईल. 8  व 9 रोजी कुटुंबातील किंवा अत्यंत जवळच्या मोठ्या व्यवसायिकांबरोबर चर्चा करून निर्णयापर्यंत याल. 07  व  8  रोजी बर्‍याच दिवसापासून रेंगाळलेल्या व्यवसायाबाबतीतल्या बैठकांचे नियोजन कराल.

वृषभ :–8 .व 9.रोजी कुटुंबातील मोठ्यांच्या विचाराने निर्णय घ्या. व्यवसायातील अडचणीच्या  विषयावर  भावजयीकडून योग्य तो मार्ग सापडेल व ओळखही मिळेल. 10  व 11 रोजी जुनाट आजारावर नवीन वैद्यबुवा ती माहिती मिळेल व पत्ताही कळेल. 12  व 13 रोजी नवीन गुंतवणूकीला वाव मिळेल. तरीही तज्ञांच्या सल्ल्यानेच करा. 07 व 08 रोजी अचानक होणारी कामे घुमजाव करतील तरी आज कोणत्याही कामाची घाई करू नका.

मिथुन :–07 व 08 रोजी नोकरीतील क्लीष्ट कामातील गुंतागुतीवर तुमच्याकडूनच युक्ती मिळेल व गुंता सुटेल. 09  रोजी अपत्यप्राप्तीच्या इच्छुकांना डाँक्टरांकडून दिलासा मिळेल व उपायांचे नियोजन कराल. 10  व 11.रोजी ज्या पद्धतीने विद्यार्थ्यांचा अभ्यास सुरू आहे त्यात सुधारणा करण्याचे ठरेल व ते शिकवणारे शिक्षकही मिळतील. 12 व 13 रोजी किरकोळ धान्य दुकानदारांचे अचानक नुकसान होत असल्याचे जाणवेल तरी काळजी घ्यावी लागेल.

कर्क :–07, 08  व 09.रोजी मुलींना ओळखीतील मंडळींकडून अनुरूप अश्या स्थळाची माहिती कळेल. वयस्कर मंडळीना प्रेमाची माणसे,  नातेवाईक मित्रमंडळी भेटतील व दिवस आनंदात जाईल.10 व 11 रोजी  राजकीय लोकांना त्यांच्याच बरोबरच्या सहकार्यांकडून छुपा विरोध होईल तरी सावध रहावे आपली कार्ड्स ओपन करू नयेत. 12  व 13 रोजी मानसिक त्रास वाढेल. प्रकृतीची काळजी घ्या.

सिंह :–08  व 09 रोजी साठवून ठेवलेले पैसे, धन गरजेसाठी बाहेर काढावे लागेल. महिलांना मानसिक त्रासामुळे आजारपण येण्याचा धोका आहे. 12   व 13 रोजी कापडाच्या व्यापारांनी व्यवसायातील गुंतागुंत सोडवण्याचा प्रयत्न करावा. बँकेच्या व्याज प्रकरणाचे पडसाद व्यवसायावर होऊ देऊ नका. 07, 10 , 11  रोजी लेखक व समिक्षकांना सामाजिक बांधिलकी जपण्याच्या प्रयत्नात जनतेच्या आरोपांना तोंड द्यावे लागेल.

कन्या :–07  रोजी नोकरीच्या ठिकाणी मिळालेल्या एखाद्या नोटीशीला, किंवा आरोपपत्रांना उत्तर द्यावे लागेल. 08 व 09  रोजी पतीपत्नीच्या व्यवसायात अचानक गुंतवणूक करण्याची, भांडवल वाढवण्याची गरज निर्माण होईल. 10  व 11  कर्जाचे प्रकरण अंगलट येईल. आईकडील नात्याकडून  प्रत्यक्ष मदतीचा हात मिळेल. 12  व 21.रोजी ह्रदयविकाराच्या पेशंट्सना विशेष काळजी घ्यावी लागेल. धावपळ, दगदग करू नका.

तूळ :–12 व 13  रोजी शेतीविषयक चिंता निर्माण होईल. जमीन, शेती विक्रीसाठी काढली असल्यास सध्या तुम्हाला त्यातून फारसा फायदा होणार नाही. 08 व 09.रोजी कोणतीही खरेदी किंवा विक्री भावनेच्या भरात करू नका. नोकरीत कामाचा ताण वाढेल पण नियोजित काम पूर्ण न झाल्याने मानसिक चिडचिड होईल. 10  व 11 रोजी कुटुंबात जोडीदाराची साथ मिळणार नाही व मनस्ताप वाढेल. 07 रोजी व्यवसायाबाबत कोणतेही अंदाज करू नका.

वृश्र्चिक :–09  व 10 रोजी डोकेदुखीचा त्रास जाणवेल. कुटुंबात ज्येष्ठमंडळींच्या प्रकृतीबाबत अचानक प्रश्र्न निर्माण होईल. भावंडामधील एकोपा मनाला भावूक करेल. 12  व 13 रोजी मनाला त्रास होत असलेल्या प्रश्र्नांचे निराकरण होईल. महिलांना  मनावरील ओझे व्यक्त करण्याची संधी मिळेल व सासरच्या मंडळींकडून प्रेमाचा हाथ मिळेल. 10  व 11 रोजी कोर्टातील जागेच्या व्यवहारात ओळखीचा उपयोग करू नका. नियमाप्रमाणे होणारे काम बिघडेल. 07 व 08 रोजी तुमच्या कामाच्या अनुभवामुळे इतरांवर छाप पाडाल.

धनु :–08  व 09.रोजी मनातील इच्छा, अपेक्षा पूर्ण होण्याचे संकेत मिळतील. भावाकडील आनंदाच्या बातमीने खूष व्हाल. 10  व 11 रोजी पूर्वी गुंतवलेल्या रकमेतून अचानक मोठा लाभ होईल. अध्यात्मिक श्री गुरूमाऊलीच्या कृपाने मानसिक शांतता व समाधान मिळेल. 12 व 13 रोजी कुटुंबात श्री कुलस्वामिनी च्या पूजेबाबतचे नियोजन ठरेल. अपत्यप्राप्तीच्या इच्छूकांना आपली इच्छा पूर्ण होणार असल्याचे कळेल. 07 आजचा दिवस अतिशय दगदगीचा व त्रासाचा जाईल.

मकर :–07, 08 व 09 या तीन दिवसात मानसिक शक्तीमधे वाढ होईल. ज्या कामांची आजपर्यंत भिती वाटत होती तीच कामे करण्याची उर्जा निर्माण होईल. 10  व 11  रोजी कोणाचीही मदत न घेता हातातील काम पूर्ण कराल. तसेच या सप्ताहात रेंगाळलेल्या विषयांना हात घालायला हरकत नाही. जे शक्य नाही ते करून दाखवाल. 12   व 13 रोजी आईचे प्रेम मिळेल.

कुंभ :–गेल्या चार दिवसात पडलेल्या स्वप्नांचा वास्तवातील घटनेंबरोबर पडताळा घ्या .  12 व 13 रोजी औषधाच्या शेअर्समधील गुंतवणूक लाभदायक ठरेल तरी मार्केटचा आढावा घेऊन गुंतवणूक करा. कुटुंबात मुलीच्या विवाहाची बोलणी फलदायक होतील  व आनंद निर्माण होईल. 10  व 11 रोजी राजकीय लोकांना गुप्तशत्रूंचा त्रास होईल तरी आपण मौन बाळगावे हे उत्तम होय. 07 , 08  व 09 रोजी कुटुंबात परगावी असलेल्या आईवडीलांची आगमन होईल.

मीन :–07  रोजी पूर्वजांच्या आशिर्वादाने अशक्य ठरलेल्या  अपत्य प्राप्तीचा लाभ होईल. 10   व 11 रोजी अध्यात्मिक अभ्यासकाना श्री गुरूमाऊलीकडून  आवश्यक ते मार्गदर्शन मिळेल. 12  व 13 रोजी जून्या औषधाच्या शेअर्समधून चांगला फायदा होईल. 08  व 09 रोजी आजारी व हाँस्पिटल मधे अँडमिट असलेल्यांच्या आरोग्यात सुधारणा होत असल्याचे दिसून येईल.

|| शुभं-भवतु ||