Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

शनिवार 23 जानेवारी 2021 चे दैनिक राशीभविष्य

शनिवार 23 जानेवारी  आज चंद्ररास वृषभ दिवसरात्र.  चंद्र नक्षत्र कृतिका 21:31 पर्यंत  व नंतर रोहिणी.

वरील रास व दोन्ही नक्षत्रांचा विचार करून व आजच्या पहाटेच्या 05.30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

आज रविचा श्रवण नक्षत्रात प्रवेश  27:59. (. वाचा मकर राशीमधे येणारी नक्षत्रे  उत्तराषाढा चरण 2, 3, 4..श्रवण चरण 1, 2, 3, 4 .. धनिष्ठा 1, 2..) श्रवण नक्षत्रातील रविचा फायदा घ्या.

मेष :–आज तुमच्या पैशाचा होणारा खर्च विशेष कारणी लागणार नाही. चैनीच्या अनावश्यक वस्तूंची खरेदी करण्याचा मोह आवरणार नाही. प्रकृतीच्या दृष्टीने आज आपल्याला समाधान मिळणार नाही.

वृषभ :–पोटाचा कोणताही विकार असलेल्यांनी दुर्लक्ष न करता डाँक्टरांचा सल्ला घ्यावा. महिलांना सासरकडून व पुरूषांना सासुरवाडीकडून आश्चर्यजनक लाभ होईल. बहिणींना बंधुराजांकडून एखादी गोडशी भेट मिळेल.

मिथुन :–ज्या ज्या गोष्टींची मनात इच्छा दबलेली आहे त्यांची पूर्तता होण्याचे मार्ग सुकर होतील. व्यावसायिकांना व्यवसायात आर्थिक भरभराट व बरकत येत असल्याचे जाणवेल. महत्वाच्या कामासाठी जिल्ह्याबाहेर लहानशा प्रवास करावा लागेल.

कर्क :–राजकीय मंडळीनाी आपले हित कशात आहे याचा विचार करावा. सुखाचे मार्ग मोकळे होतील व नोकरीत ज्या अधिकारांची अपेक्षा करत होता ते अधिकार प्राप्त होणार असल्याची कुणकुण लागेल.

सिंह :–महाअधिकाराची संधी चालून येईल. सामाजिक कार्य करणार्‍यांना आपल्या कर्तृत्वाने इतरांकडून मान मिळेल व कौतुक होईल. आनंदाच्या भरात आत्मविश्वास डळमळू देऊ नका. आज कुटुंबात आनंदोत्सव साजरा होईल.

कन्या:–आज लहानश्या कारणानेही मन दुखावले जाईल. रागावर नियंत्रण मिळवा तरच त्रास होणार नाही. तरूणाची बिघडलेली आर्थिक घडी बसू लागेल व तसे संकेत मिळतील. पूर्वीच्या अनुभवावर आज गुंतवणूक करण्याची तीव्र इच्छा होईल पण करू नये.

तूळ :–वादग्रस्त विषयावरील चर्चेमुळे मानसिक त्रास होईलच पण त्याहीपेक्षा आर्थिक नुकसान होईल. लहान कामाच्या आँर्डर मुळे त्याच्याबरोबर मोठे काम मिळेल. वडीलांच्या सल्ल्याने आजचे निर्णय घ्या.

वृश्र्चिक :–भागिदारीच्या व्यवसायात अचानक मन नाराज करणारे प्रसंग घडतील. सामाजिक स्तरावर तुमच्या कुटुंबातील ज्येष्ठ व्यक्तीची निवड होईल. शाळा काँलेजमधील विद्यार्थ्यांनी स्वत:ला पेलतील एवढाच उड्या माराव्या. फुकट बडेजाव करू नये.

धनु :–नोकरीतील कामाचा ताण वाढेल. मनाची प्रसन्नता आज नेहमीसारखी राहणार नाही तरी स्वत:हून मनाची शक्ती वाढवण्याचा प्रयत्न करावा. मोठ्या हाँस्पिटलमधील डाँक्टर्सना काही प्रसंगामुळे मानसिक त्रास संभवतो.

मकर :–प्रेमाच्या व्यवहारात तणावपूर्ण वातावरण राहील. गैरसमजाच्या वातावरणाने नात्यात संशय निर्माण होईल. नोकरीत अचानक ज्येष्ठ पदावरील अधिकार्यांचे अधिकार काढून घेतले जातील किंवा तशा प्रकारची कारवाई करण्याची सूचना मिळेल.

कुंभ :–आज कोणताही गोष्ट बुद्धीच्या जोरावर तपासू नका. आईकडील नात्यातून आनंदाची बातमी कळेल. लहान भावाच्या प्रेमाखातर आज तुमचा खिसा चांगलाच रिकामा होणार आहे. तरूणाच्या नावावर एखादा पराक्रम जमा होईल.

मीन :–व्यवसायिक शत्रू तुमची मानहानी करण्यासाठी कांहीतरी युक्ती काढतील. सरकारी नियमात अडकणारी कृत्ये आपल्या हातून होत नसल्याची खात्री करून घ्या. आजारी व्यक्तीना आपल्या दुखण्याचा जोर कमी होत असल्याचे जाणवेल.

| शुभं-भवतु ||