Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

शुक्रवार 08 जानेवारी 2021 चे दैनिक राशीभविष्य

कृष्णमूर्ती पद्धतीने नक्षत्रीय फलादेश

शुक्रवार 08 जानेवारी आज चंद्ररास तूळ 30:57 पर्यंत  व चंद्र नक्षत्र स्वाती 14:12 पर्यंत व नंतर विशाखा.

. वरील राशीचा व दोन्ही नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :–काल कामाची सुरूवातच चांगली झाल्याने काम समाधानकारक पद्धतीने पूर्ण होणार आहे. कुटुंबातील वयस्कर मंडळीना आवाजाचा त्रास होईल. आज नव्याने कोणत्याही प्रकारची गुंतवणूक करू नका.

वृषभ :–औषधी वनस्पती संबंधीच्या चर्चेतून नवीन माहिती कळेल. संशोधनात्मक काम करणार्यांना गाईडची चांगली मदत मिळेल. नोकरीतील अडचणींचा सामना करताना दमछाक होईल. कुटुंबातील वातावरण आनंदाचे राहील.

मिथुन :– :–कुटुंबात नातेवाईकांची वर्दळ राहील. लहान मुलांना समजावण्याच्या भरात तुमचा रागाचा पारा चढेल. ब्लडप्रेशरचा श्त्रास असलेल्यांनी स्वत:ला सांभाळावे. तरूणांचा वेळ आज सत्कारणी लागेल.

कर्क :– संगीताच्या मैफलीत तुम्हाला विशेष क्रेडीट मिळेल. बुद्धीच्या क्षेत्रात काम करत असलेल्यांच्या कामाचे कौतुक होईल. महत्वाच्या रखडलेल्या कामासाठी सर्व शक्ती लावल्यास  नक्की काम पुढे सरकेल.

सिंह :– सरकारी कर्मचार्‍यांना कामातील अडचणींवर तोडगा काढावा लागेल. नोकरीत सहकारी वर्गाकडून चांगले सहकार्य मिळेल व कामातून वेगळाच आनंद निर्माण होईल. विद्यार्थ्यांना स्वत:च्या हिमतीवर विश्र्वास ठेवूनच काम करावे लागेल.

कन्या :–वडीलांकडील दूरगावच्या नातेवाईकांच्या आजारपणाची बातमी कळेल व घरातील वातावरण बिघडेल. प्रथम संतती कडून विशेष समाधान देणारी बातमी कळेल. आजचा दिवस मानसिक त्रासाचा जाईल.

तूळ :– पाण्याच्या शुद्धतेची विशेष काळजी घ्यावी लागेल. एखाद्या आँन लाईन सेमिनार आठी तुमची निवड होईल. शाळा काँलेजमधील विद्यार्थ्यांनी केलेल्या उत्कृष्ट  प्रोजेक्टबाबत बक्षिस जाहीर केले जाईल.

वृश्र्चिक :– कौटुंबिक चर्चेत मित्रमंडळीना सहभागी करू नका चर्चा बिघडेल. नोकरीच्या ठिकाणी नव्या दमाने काम कराल. व्यवसायातील  जूनी येणी वसूल करण्याकरीता तगादा लावावा लागेल.

धनु :–विवाहेच्छू मुलीं स्वत:च्या अपेक्षा काय आहेत याबाबत गोंधळतील. व्यवसायातील नवीन फंडस् उभे करण्यासाठी नातेवाईकांची मदत मिळेल. परदेशी असलेल्या मुलींना घरी येण्याचे वेध लागतील.

मकर :– नोकरीतील कामात झालेल्या लहान लहान चुकांबद्दल स्पष्टीकरण द्यावे लागेल. पुरूष मंडळीना जून्या मित्रमैत्रिणींची भेट महागात पडेल. लहान मुलांच्या वागण्याला वळण लावावे लागेल.

कुंभ :– प्रवासात मानसिक त्रासाचा प्रसंग येणार आहे तरी खचून जाऊ नका. घरातील नात्यात महत्वाच्या विषयावरील चर्चा सामोपचाराने व आनंदाने संपेल. व्यावहारिक बोलण्यामुळे कार्यभाग बिघडणार नाही.

मीन :– महत्व व गरज नसलेल्या कोणत्याही अगांतुक  प्रश्र्नांचा विचार करू नका. महिलांना आज कुटुंबातील महत्वाचा प्रश्र्न सोडवावा लागेल. वाहन चालवताना मनातील विचारांना थारा देऊ नका.

|| शुभं-भवतु ||