Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

सोमवार 04 जानेवारी 2021 चे दैनिक राशीभविष्य

कृष्णमूर्ती पद्धतीने नक्षत्रीय फलादेश

सोमवार 04 जानेवारी चंद्र रास सिंह 25:03 पर्यंत व नंतर कन्या. चंद्रनक्षत्र पूर्वा फाल्गुनी 19:16 पर्यंत व नंतर उत्तरा फाल्गुनी. आज बुध मकर राशीमधे प्रवेश करत आहे. वेळ 27:55.

मेष :– संततीकडून मनाला आनंद देणारी व आश्र्चर्यकारक बातमी कळेल.. तरूणांनी आपल्या मनाला अती रूखरूख लावून घेऊ नये. वकिल मंडळीना चमत्कारिक केसचा त्रास होणार आहे.

वृषभ :–वडिलार्जित व्यवहारासाठी भावंडांची मदत होईल व वडिलांच्या इच्छेनुसार सर्व काही करता येईल. लेखक व प्रकाशक यांचे विचार जुळल्यामुळे पुस्तक छापण्याचे नक्की ठरेल. व रेंगाळलेला प्रश्र्न संपेल.

मिथुन :–कामाच्या व्यापामुळे बर्याच गोष्टी मागेपुढे कराव्या लागतील. पूर्वनियोजित ठरलेल्या भेटीगाठी रद्ध करू नका. नोकरीत बदलाची अपेक्षा करणार्‍यांनी आपले विचार वरिष्ठांसमोर व्यक्त करावेत.

कर्क :–गर्भवती महिलांनी मानसिक ताण घेऊ नये. वयस्कर मंडळीना पाय घसरून पडण्याची भिती आहे तरी काळजी घ्या. ब्लडप्रेशरचा त्रास असलेल्यांनी दगदग करण्याऐवजी आराम करावा व आपल्या छंदाकडे लक्ष द्यावे.

सिंह :–नोकरीच्या प्रतिक्षेतील मंडळीना लवकरच नवीन संधी मिळणार आहे. स्वत:च्या फार अटी अपेक्षा ठेवू नका. कोर्टातील कामाचा भाऊ न करता कुटुंबातील ज्येष्ठांच्या विचाराने तडजोडीचा विचार करावा.

कन्या :–कुटुंबातील नाराजी मानसिक त्रास देईल. स्वभावातील शांतपणा सर्वच रोगावर, त्रासावर इलाज करेल हे विसरू नका. वडील भावंडांबरोबर महत्वाच्या कामासाठी प्रवास करावा लागेल.

तूळ :–वैचारिक वादविवाद करू नका त्याने काहीच साध्य होणार नाही. मित्रासाठी पोलिस स्टेशनला किंवा कोर्टात जामिन राहण्यासाठी जावे लागेल. मनातील रागावर नियंत्रण मिळवा.

वृश्र्चिक :– कुटुंबातील ज्येष्ठ व्यक्ती किंवा आईसाठी दवाखान्यात जावे लागेल. वाहन चालवताना वेगावर नियंत्रण घाला नाहीतर आज दुखापतीचा संभव आहे. बाजारात खिसा पैसे सांभाळा.

धनु :– स्वत:ची कार्यशैली ठरवा. शारिरीक उत्साहाचा आवाका समजून घ्या. अंगावर घेतलेले काम श्रद्धेने पूर्ण करा. कलाकार मंडळीना कला प्रदर्शन करण्याची संधी मिळेल.

मकर :–कामातील आळस किंवा दिरंगाईचा त्रास होईल. विद्यार्थ्यांनाी आपल्याला अवघड वाटणार्‍या विषयासाठी मेहनत वाढवावी व विशेष मार्गदर्शनही घ्यावे. कुटुंबात मित्रमैत्रिणींची गर्दी होईल.

कुंभ :– व्यायाम करणार्‍यांनी डाँक्टरांच्या सल्ल्याशिवाय मनाने किंवा इतरांचे ऐकून कांहीही करू नये. हार्ट पेशंट्सना आज आराम करायचा आहे व औषधेही वेळेवर घ्यावीत.

मीन :– सकाळपासूनच आज कामाची घाई राहणार आहे. लहान भावंडांबरोबर तात्विक वाद होईल. नोकरीच्या प्रतिक्षेतील मंडळीना अचानक नवीन नोकरी कळेल. आर्थिक खर्च वाढेल.

.                                                                  || शुभं-भवतु ||