Read in

Marathi

English Gujarati Hindi Kannada Malayalam Marathi Punjabi Sindhi Tamil Telugu

रविवार 03 जानेवारी 2021 चे दैनिक राशीभविष्य

कृष्णमूर्ती पद्धतीने नक्षत्रीय फलादेश

रविवार 03 जानेवारी आज चंद्ररास सिंह  दिवसरात्र. चंद्रनक्षत्र मघा 19:56  पर्यंत व नंतर पूर्वा फाल्गुनी. वरील राशी नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :– मुलांच्या अभ्यासावर लक्ष ठेवावे लागेल. तरूणांच्या मनातील इच्छा पूर्ण होण्याचे संकेत मिळतील. वडिलांच्या नोकरीतील अडचणीवर उपाय सापडेल. पुरूष मंडळीना खर्चावर नियंत्रण ठेवावे लागेल.

वृषभ :– सासुबाईंच्या तब्बेतीची काळजी घ्यावी लागेल. घराला नवीन भाडेकरू मिळेल. महिलांनी खाजगी गोष्टी इतरांना कळणार नाहीत याची दखल घ्या. कुटुंबातील समारंभ तुमच्या पुढाकाराने फार पडेल.

मिथुन :–नोकरीतील कामाचा ताण अचानक अर्ध्यावर येईल. सामाजिक कार्यकर्त्यानी कोणत्याही काँमेंटस् अविचाराने करू नयेत. वयस्कर मंडळीना नवीन औषध सुरू करताना तज्ञांचा सल्ला घ्या.

कर्क :–लहान भावंडाच्या वतीने त्याचे विचार व्यक्त करावे लागतील. आजोळ कडील नवीन पाहुण्यांचे स्वागत करावे लागेल. एखाद्या शासकिय आश्रमशाळेच्या सोयीसाठी पैसे खर्च करावे  लागतील.

सिंह :–कर्तव्य कठोर असलेली तुमची प्रसिद्धी तुम्हाला मान मिळवून देईल. बदलीच्या प्रतिक्षेत असाल तर तुम्हालाच त्याबाबत आपले म्हणणे वरिष्ठांना सांगावे लागेल.

कन्या :–विवाहेच्छूना आता फार विचार केल्याचा मानसिक त्रास होईल. मानसशास्त्राच्या अभ्यासकांना वेगळ्याच क केसची स्टडी करावी लागेल.  बँकेत अडकलेले पैसे विनासायास मिळणार नाहीत

तूळ :–आईच्या नात्याकडील आर्थिक व्यवहारास हजर रहावे लागेल. लहान मुलांच्या कानाचा त्रास अचानक वाढेल तरी दुर्लक्ष करू नका. बाजारात जाताना आज जास्त पैसे घेऊ नका.

वृश्र्चिक :–मित्राच्या अडचणीसाठी पोलिसस्टेशनला जावे लागेल. कालच्या दिवसातील झालेल्या चर्चा निष्फळ ठरतील. वकील मंडळीनी स्पष्टपणा च्या नावाखाली फटकळपणे बोलू नये.

धनु :–श्री दत्तगुरूंच्या प्रसादाने गेल्या वर्षीपासून सापडत नसलेली कागदपत्रे सापडतील. रेल्वेचा प्रवास महागात पडेल. लहान मुलांच्या हातातील वस्तुवर नीट लक्ष ठेवा.

मकर :–वडिलांना पिण्याच्या पाण्यापासून झालेल्या त्रासावर ईलाज करावा लागेल.  आईचे आँपरेशन करण्याचे नक्की ठरेल. तरूण मुलीकरीता वडीलांकडून नवीन गाडीची खरेदी होईल.

कुंभ :–व्यायामाच्या शिक्षकांवर मुलीना  प्रशिक्षण देण्याचे काम सोपवले जाईल. सरकारी योजनेची माहिती देण्याचे प्रशिक्षण देण्याची जबाबदारी तुमच्यावर सोपवली जाईल.

मीन :–लहान मुलांच्या डोळ्याला ईजा होण्याचा धोका आहे. काळजी घ्या. वयस्कर मंडळीनी आरोग्याची तपासणी करून घ्यावी  तरूणांना सुग्रास भोजनाचा आस्वाद घेता येणार आहे.

||शुभं-भवतु ||