Read In

Marathi

English Gujarati Hindi Kannada Malayalam Marathi Punjabi Sindhi Tamil Telugu

 

बुधवार 18 नोव्हेंबर 2020 चे दैनिक राशीभविष्य

कृष्णमूर्ती पद्धतीने नक्षत्रीय फलादेश.

बुधवार 18 नोव्हेंबर चंद्र रास धनु दिवसरात्र व चंद्र नक्षत्र मूळ 10:39 पर्यंत व नंतर पूर्वाषाढा. या रास व दोन नक्षत्रांचा विचार करून व आजच्या पहाटे ५.३० च्या कुंडली नुसार कृष्णमूर्ती पद्धतीने नक्षत्रीय फलादेश देत आहे. विनायक चतुर्थी आहे. तरी श्री गजाननाच्या उपासकांनी नेहमीची उपासना करावी.

मेष :–भाग्य म्हणजे काय? याचा अर्थ तुम्हाला आज कळणार आहे. पूर्वजांचे आशिर्वाद व या जन्मीची कर्तव्य कर्मे हे मिळवून देतात यावरचा विश्र्वास दृढ होईल. लहान भावंडासाठी घेतलेल्या कष्टाचे फळ सर्वांना दिसून येईल.

वृषभ :सकाळपासूनच लहान मुलांच्या संगतीत राहता येणार आहे. नातेवाईकांसाठी कपड्यांची खरेदी कराल. आर्थिक बाबतीत नियोजनाचे महत्व कळेल. नोकरीत आजपर्यंत केलेल्या कामाची दखल घेतली जाईल व कौतुकही होईल.

मिथुन :–वयस्कर मंडळींच्या सुखासाठी आज त्यांची सरबराई कराल. करमणुकीच्या कार्यक्रमात भाग घेऊन गाण्यातून सर्वांना खूष कराल. बाजारात जाताना फार पैसे नेऊ नका. विनाकारण व अचानक बिनागरजेची खरेदी कराल.

कर्क :–तरूणांना चैन करण्याचा मोह होईल. हाँटेलींगवर मोठा खर्च कराल. सोने खरेदीचा बेत असल्या तुंहाला लाभदायक ठरणार आहे. अपचनाचा किंवा अँसिडीटीचा त्रास होण्याची शक्यता आहे तरी खाण्यावर नियंत्रण ठेवा.

सिंह :–आपल्यापेक्षा अनुभवी व्यक्तीचा सल्ला घ्यावा लागेल. आईच्या तब्बेतीची चिंता वाढेल. कालपर्यंत लहान वाटणारी मुले आज मोठ्या मुलांसारखी वागतील. डाव्या पायाची दुपारनंतर काळजी घ्या. दुखापत होण्याचा धोका आहे.

कन्या :–बोलण्याच्या ओघात एखाद्याच्या जिव्हारी लागत नाही ना याची काळजी घ्या. आजपर्यंतच्या गुंतवणुकीवर मिळणार्‍या फायद्याचे समाधान वाटणार नाही. वृद्धाश्रमाशी संबंधितांना आजवर केलेल्या कामाचे समाधान मिळेल.

तूळ :–लहान सहान गोष्टींत मानापमानाच्या कल्पना ठेवू नका. कामाच्या घाईगडबडीत महत्वाच्या कामाचा विसर पडेल. प्रथम बँकांच्या कामाना प्राधान्य द्या. सामाजिक स्तरावर तुमच्या कार्यशैलीचे कौतुक होईल. मित्रांसाठी आर्थिक झळ सोसावी लागेल.

वृश्र्चिक :–चिंता करणार्‍यांना महत्वाच्या घटनांचा त्रास संभवतो. सासुबाईंची, तसेच सासुरवाडीची काळजी घ्यावी लागेल. दवाखान्यात अँडमिट असलेल्यांना आराम पडू लागेल व 20 तारखेला डिसचार्ज मिळेल. बुद्धीच्या क्षेत्रातील मंडळीना विरोधक त्रास देतील.

धनु :–गुरूतुल्य व्यक्तीकडून अतिशय महत्वाचे मार्गदर्शन मिळेल. जून्या दुखण्यांवर डाँक्टरांकडून आवश्यक ती ट्रिटमेंट करून घेण्याची संधी प्राप्त होईल. व्यावसायिकांना या वर्षीच्या कामात आर्थिक प अप्पर ाप्ती चांगली झाल्याचे जाणवेल.

मकर :–मावशीकडील नात्यातून महत्वाच्या अडलेल्या कामात मदत मिळेल. महिलांना प्रकृतीचा त्रास संभवतो तरी दुर्लक्ष करू नये. आपले ब्लडप्रेशर वाढण्याची कारणे स्वतःच शोधून काढा. कोर्टातील अडकलेल्या प्रकरणात मार्ग सापडेल.

कुंभ :–वैयक्तीक कलागुणांना समाजाकडून मानसन्मान मिळेल. कलाकारांसाठी आजचा दिवस अविस्मरणीय राहील. व्ावयायिकांना सरकारी योजनांमधून सहाय्य निधी मिळेल. बँकेचे कर्ज प्रकरण हाताळताना अडचणी निर्माण होतील.

मीन :–कुटुंबातील व्यक्तींच्या इच्छा अपेक्षांना प्राधान्य देऊन स्वतःच्या मनाल मुरड घालाल.वास्तुविषयक व्यवहारांवर प्रथम तज्ञांचा सल्ला घ्या. वडिलांकडील मंडळींच्या बरोबर मोठ्या व्यवहारात सहभागी होता येणार आहे.

|| शुभं-भवतु ||