Read In

Marathi

English Gujarati Hindi Kannada Malayalam Marathi Punjabi Sindhi Tamil Telugu

 

बुधवार 28 आँक्टोबर 2020 चे दैनिक राशीभविष्य

कृष्णमूर्ती पद्धतीने नक्षत्रीय फलादेश.

आज बुधवार चंद्र रास मीन असून चंद्रनक्षत्र पूर्वा भाद्रपदा सकाळी09:10 पर्यंत असून नंतर उत्तरा भाद्रपदा सुरू होत आहे. या दोन्ही नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे. आज प्रदोष आहे.

मेष :–या गेलेल्या सप्ताहातील झालेल्या दगदगीमुळे  आज आराम करावा असे मनात येणार आहे. दिवस कंटाळवाणा जाईल. शरिराच्या व मनाच्या इच्छेविरुद्ध त्यांना कष्टवू नका. आराम नाही करता आला तर निदान आवडीची गाणी ऐका.

वृषभ :– मित्रमंडळींच्या घोळक्यात, पसार्‍यात स्वत:ला विसरून जाल. कोर्टात रखडलेल्या कामातून सहिसलामत सुटण्याचे संकेत मिळतील. घरातून रागवून गेलेल्या व्यक्तीला घराची आठवण येईल व परतही येण्याचे मार्ग सुचतील.

मिथुन :–नोकरीतील प्रतिष्ठेत वाढ होईल.नव्याने सुरू केलेल्या  व्यवसायात प्रगतीचे मार्ग सापडतील. चैनीच्या वस्तुंची खरेदी कराल. शैक्षणिक क्षेत्रातील कर्मचार्‍यांना नवीन काँन्ट्रक्टचा विचार करावा लागेल.

कर्क :–नोकरीत बदलाची अपेक्षा करणार्‍यांनी अचानक घुमजाव करू नका. ज्यांना विशेष अधिकार दिलेले आहेत त्यांना काही जाचक अटी सहन कराव्या लागतील. लहान मुलाचे त्यांची चांगल्या वागणूकीबद्धल प्रशंसा होईल.

सिंह :– सरकारी आँफिसर्सना वेगळ्याच प्रकरणात अडकवण्याचा धोका आहे. तरूण महिलांनी कोणावरही अतिविश्र्वासाने अवलंबून वागू नये. बांधकामाच्या कामात त्रास निर्माण होईल.

कन्या :–आजारी आहोत अशी शंका जरी आली तरी डाँक्टरांकडे जावे. वैवाहिक सुखामध्ये वादग्रस्त विषय त्रास देतील. स्वत:च्या सुखापेक्षा इतरांची बाजू लावून धराल. नातेवाईकांसाठी धावपळ करावी लागेल.

तूळ :–कोणत्याही विषयावर स्पर्धात्मक चर्चा करू नका. उच्च शिक्षणाच्या प्रवाहात सामील करून घेण्यासाठी प्रथम मनाची तयारी करा व मगच उडी घ्या. व्यवसायात समाधान मिळेल.

वृश्र्चिक :–नोकरीच्या शोधात असलेल्यांनी घाई करू नये. फसगत संभवते. व्यवसायातील बदल तक्ज्ञांच्या सल्ल्यानेच करावा. लहान मुलींची काळजी वाटणारी गोष्ट घडेल.

धनु :– वादग्रस्त विषयाची कोंडी फुटेल. पैशाच्या देव घेवीच्या व्यवहारात पारदर्शकता आणण्यासाठी प्रयत्न करावे लागतील. मायग्रेनचा त्रास संभवतो. पुरूष मंडळीनी खर्चावर नियंत्रण ठेवण्याची गरज आहे.

मकर :–भाड्याचे घर असेल तर घराचा ताबा सोडण्याच्या सुचना मिळतील. शिक्षणामधे खंड पडू नये यासाठी मेहनत वाढवावी लागेल. आपण म्हणतो तेच खरे ही वृत्ती सोडल्यास मित्रांचे व इतरांचेही सहकार्य मिळेल.

कुंभ :–पूर्वनियोजित प्रवासात अचानक बदल होऊन  कामाची लाईनच बदलेल. तरूणांना आज घराबाहेर पडूच नये असे वाटेल. हरकत नाही., आराम करा. आवडत्या छंदाला वेळ द्या.

मीन :–व्यवसायात आज आवक मनासारखी होणार नाही. कोणत्याही प्रकारची लाँटरी किंवा शेअर्स मधील व्यवहार नको. कौटुंबिक प्रश्रन सोडवताना अतिभावूक होऊ नका. कामाच्या ठिकाणी लोकांसमोर आदर्श निर्माण कराल. 

||शुभं– भवतु ||