Read In

Marathi

English Gujarati Hindi Kannada Malayalam Marathi Punjabi Sindhi Tamil Telugu

 

सोमवार 26 आँक्टोबर 2020 चे दैनिक राशीभविष्य

कृष्णमूर्ती पद्धतीने नक्षत्रीय फलादेश.

आज चंद्ररास कुंभ दिवसभर, चंद्रनक्षत्र शततारका 30:35 पर्यंत व नंतर पूर्वा भाद्रपदा. या दोन्ही नक्षत्रांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :–महिलांना सासूबाईंच्या प्रकृतीची काळजी घ्यावी लागेल. अधिकारी मंडळीना आपले अधिकार वापरताना मर्यादा येथील. अचानक डोळ्यांचा त्रास जाणवेल. वडिलांकडून मोलाच्या सूचना मिळतील.

वृषभ :–नातवंडांना आजी आजोबांबद्धल प्रेमाचे भरते येईल. सामाजिक कार्यातील सहभागाने मनस्ताप होईल. आज एकदम मोठी उडी घेउ नका. संतती कडून अतिशय आनंद मिळेल.

मिथुन :–कामाची वाटणी करू नका. बर्‍याच दिवसापासून मनात असलेल्या प्रश्र्नाला वाचा फुटेल. अति घाईने केलेल्या कामात चुका निघून ते परत करावे लागेल.

कर्क :–महत्वाच्या कामासाठी पूर्वतयारी करावी लागेल. लहान मुलांचा कानाचा त्रास अचानक वाढेल तरी दुर्लक्ष करू नका. मित्र मैत्रिणीच्या घरातील वादग्रस्त विषय सोडवण्याची जबाबदारी पार पाडाल.

सिंह:-:सकाळपासून सर्वच कामात घाईगडबड होणार आहे. मानसिक शांतीसाठी तरूणांनी प्राणायामाचा अभ्यास करावा. बहिणीबरोबर वार्तालाप आनंद देईल. बँकेचे व्यवहार स्वत: करावेत.

कन्या :–बोलण्याच्या ओघात अचानक नको त्या गोष्टी उकरून काढल्या जातील. प्रथम संततीच्या बाबतीत जागरूक रहावे. मुलांचे आर्थिक व्यवहारावर नियंत्रण ठेवा.

तूळ :–मनावर ताण येऊन ब्लडप्रेशरचा त्रास होण्याचे संकेत मिळतील. मानसिक शांततेची गरज आहे. वडिल भावंडांबरोबर महत्वाची चर्चा कराल. नोकरीच्या कामामध्ये अनुत्साह जाणवेल.

वृश्र्चिक :–श्री जगदंबेच्या कृपादृष्टीसाठी उपासना वाढवावी लागेल. निर्णयात दोलायमान व्हाल. महिलांना खरेदीचा मूड येईल. कुटुंबातील ज्येष्ठांची मर्जी सांभाळावी लागेल.

धनु :–खर्चावर नियंत्रण घालावे लागेल. बँकेतील महत्वाच्या कामांना वेळ द्या. दुसर्यांवर सोपवू नका. आज दुपारनंतरचा वेळ आनंदात जाईल. कलाकार मंडळींचे मनोधैर्य वाढेल.

मकर :–लोखंडाच्या व्यावसायिकांनी मोठ्या आर्थिक व्यवहाराचा विचार करू नये. नातवंडांच्या बाबतीत आजी आजोबांनी न पेलवणार्या गोष्टींची जबाबदारी घेऊ नये.

कुंभ :–महिलांनी ऊपवासाच्या भानगडीत पडू नये. ब्लडप्रेशरचा त्रास असलेल्यांनी आज आराम करण्याची गरज आहे. वडिलांकडील कुटुंबातून काळजी लावणारा निरोप येईल.

मीन :–महत्वाची कागदपत्रे सापडणार नाहीत. डाँक्टरी पेशातील मान्यवरांना समाजाकडून कौतूकाचे शब्द ऐकायला मिळतील. गुरूतुल्य व्यक्तीची भेट घडेल व अवघड प्रश्र्न सुटतील.

|| शुभं – भवतु ||