Read In

Marathi

English Gujarati Hindi Kannada Malayalam Marathi Punjabi Sindhi Tamil Telugu

 

शनिवार 24 आँक्टोबर 2020 चे दैनिक राशीभविष्य

कृष्णमूर्ती पद्धतीने नक्षत्रीय फलादेश.

शनिवार 24 आँक्टोबर 2020 आज चंद्ररास मकर अहोरात्र, चंद्र नक्षत्र श्रवण 26:37 पर्यंत. दुर्गाष्टमी. एकरात्रोत्सवारंभ, महानवमी उपवास.. ज्यांची कुलस्वामिनी श्रीमहालक्ष्मी, श्री तुळजाभवानी, किंवा श्री कालिमाता आहे त्यांनी आजचा महानवमीचा उपवास करावा.

रविचा चित्रा नक्षत्रातील कालावधी आज संपत असून 23:59 ला स्वाती नक्षत्रात प्रवेश करत आहे. स्वाती नक्षत्र हे राहूचे आहे.  राहूच्या गुणधर्माविषयी माहिती आपण “राहूचा वृषभेतील प्रवेश “ या लेखात घेतली आहे. तरी त्यानुसार योजना आखाव्यात.

मेष:–श्रीदुर्गा आता तुम्हाला व्यवसायातील अडचणी दूर करण्याचा आशिर्वाद देणार आहे. राजकारणातील मंडळीना कायदेशीर मार्गाने प्रगतीचा मार्ग ओपन होईल.

वृषभ :–पाण्यापासून उद्भवलेल्या त्रासावर उपाय सापडेल. श्री जगदंबामाता संसारातील त्रास कमी करून आयुष्यात आनंद देणार आहे. उपासना अशीच सुरू ठेवा.

मिथुन :–विद्यार्थांना अभ्यासाबरोबर इतरही गोष्टींकडे लक्ष द्यावे लागेल. श्री महाकाली देवी तुमच्यातील आत्मविश्वासात वाढ होण्यासाठी आशिर्वाद देईल.

कर्क :–व्यवसायातील अडीअडचणीं दूर करण्यासाठी श्री दुर्गा मातेला प्रार्थना करा. व देवीच्या स्तोत्राचे वाचन करण्याचा संकल्प करा.

सिंह :–कालच रात्री रवीने स्वाती नक्षत्रात प्रवेश केला आहे. उच्च शिक्षणासाठी अपेक्षित ठिकाणी प्रवेश मिळण्यासाठी श्री महाकाली देवीची प्रार्थना करा. तिच्या आशिर्वादाने अडचणी दूर होतील.

कन्या:–मनाला आनंद व समाधान देणार्‍या घटना घडतील. विवाहेच्छूंना प्रेमातील व्यवहारातील घाई त्रासदायक ठरेल. शांततेने घ्या. श्री महालक्ष्मी देवीचा आशिर्वाद घ्या.

तूळ :–नोकरीत वरिष्ठांकडून तुमच्यावर विशेष जबाबदारी सोपवली जाईल.  प्रतिष्ठेला बाधा आणणार्‍या गोष्टींपासून त्रास संभवतो. श्री महाकाली व श्री भैरवनाथाची उपासनेने सर्व अडचणी दूर होतील.

वृश्र्चिक :–वैवाहिक जीवनातील अडचणी दूर करून प्रेम वृद्धींगत करण्याकरीता श्री महाकाली देवीला प्रार्थना करा व  श्रीमहालक्ष्मी ची उपासनेने इच्छापूर्तीसाठी प्रार्थना करा.

धनु :–मान्यवर गुरूवर्यांकडून अपेक्षित सल्ला मिळेल व अध्यात्मिक प्रगतीचा आशिर्वाद ही मिळेल. आजच्या महानवमीला दैवी उपासनेचे बळ कळेल.

मकर :–कष्टप्रद जीवनावर श्री महालक्ष्मी देवीचा आशिर्वाद मिळेल. नोकरी व्यवसायाच्या नव्या दिशा सापडतील. बेरोजगारांचा उत्पन्नाचा स्त्रोत सुरू होईल. श्री महाकाली च्या कृपेने मार्ग मोकळे होतील.

कुंभ :–जून्या आजारावर आराम पडत असल्याची जाणिव होईल. श्री दुर्गा मातेची प्रार्थना करून संकल्पाने जपास सुरूवात करा. आईवडिलांची चिंता कमी करणार्‍या गोष्टी घडतील.

मीन :–श्री गुरूकृपेची आंस लागलेल्या साधकांना दैवी चमत्काराचा अनुभव  येईल. सामाजिक स्तरावर मानसन्मान वाढेल. श्री आई जगदंबेच्या कृपेने आरिष्ट दूर होईल व त्याची जाणिवही होईल.

||   शुभं – भवतु ||