Read In

Marathi

English Gujarati Hindi Kannada Malayalam Marathi Punjabi Sindhi Tamil Telugu

 

बुधवार 21 आँक्टोबर 2020 चे दैनिक राशीभविष्य

कृष्णमूर्ती पद्धतीने नक्षत्रीय फलादेश.

आज रास धनु अहोरात्र. चंद्रनक्षत्र मूळ 25:12 पर्यंत नंतर पूर्वषाढा. अश्विन नावरात्रातीलबसरी सरस्वती देवीची स्थापना ही मूळ नक्षत्रावर असते. ज्यांना खूप शिकवायची इच्छा आहे त्यांनी मूळ नक्षत्रावर श्री सरस्वती देवीचे आवाहन करावे. व पूर्वाषाढा नक्षत्रावर पूजा, होम व उपोषण करावे.

सरस्वती अवहानापासून दि दुर्गामातेच्या उपासनेने श्री नवारण मंत्राचा पाठ करावा.

आज नवरात्राची पाचवी माळ असून पंचरात्रोत्सवास प्रारंभ होत आहे.

मेष :- वडिलांबरोबर पूजेचा श्री दुर्गामातेच्या पूजेचा लाभ घ्या. व्यवसायातील अंदाज अचूक ठरतील. कुटुंबात जोडीदाराबरोबर बौध्दिक चकमक होईल. खरेदीचे बेत करू नका.

वृषभ:- सरकारी अधिकाऱ्यांनी आर्थिक व्यवहार जपून करावेत. वडिलांकडील नातेवाईकांचे येणे होईल. कुटुंबात आनंद व उत्साह वाढेल. वरसाहक्कांच्या चर्चेला तोंड फुटेल. श्री दुर्गामातेच्या कृपेने लहान मुलांवरील संकट टळेल.

मिथुन:- महिलांना धाडस करावेसे वाटेल. श्री दुर्गामातेच्या पूजनामध्ये तरुण महिलांचा सहभाग मोठ्या प्रमाणात वाढेल. विद्यार्थी बुद्धीचातुर्याने स्पर्धा जिंकतील. वयस्कर मंडळींना पोटदुखीचा त्रास जाणवेल.

कर्क:- महिला वर्ग पुरुषांच्या बरोबरीने यश संपादन करेल. आजोळकडील मंडळींच्या बुद्धीचा प्रभाव पडेल. तरुण मुलांच्या मनात आई वाडीलांविषयी अढी निर्माण होईल. उच्च शिक्षित पती पत्नींमध्ये बौद्धिक खटके उडतील.

सिंह:- चैनीच्या/आवडीच्या वस्तूंची खरेदी कराल. नोकरीत महत्वाच्या कामासाठी दुसऱ्या ऑफिसमध्ये बदली होईल. बागेत किंवा शेतीचे काम करणाऱ्यांनी जनावरांपासून सावध राहावे. लहान मुलांच्या बोलण्याला आवर घालावा लागेल.

कन्या:- श्री दुर्गामातेच्या कृपेने आजचा दिवस सुख समाधान व आनंदाचा जाणार आहे. तरुण वर्ग हौसेमौज करण्यासाठी मोठा खर्च करेल. उच्च शिक्षित महिला आपले काम नव्या स्वरूपात सार करतील. तरुण मुलांना अपचनाचा त्रास जाणवेल.

तूळ:- बुद्धीच्या जोरावर जग जिंकण्याची स्वप्ने बघाल. आपल्या जवळील पैसाच इतरांना अंदाज देऊ नका. आई जगदंबेच्या सेवेसाठी मोठा खर्च कराल. महत्वाच्या कामासाठी लहानसा प्रवास संभवतो. आर्थिक व्यवहार जपून करावेत.

वृश्चिक:- मनाचा थांगपत्ता इतरांना लागणार नाही. मनासारखी उधळपट्टी कराल. मनावर विचारांचे आक्रमण होऊ नये यासाठी श्री जगदंबेची उपासना वाढवा. व मन:शांतीसाठी देवी पूजनामध्ये सहभाग घ्या.

धनु:- सामाजिक कार्यात इतरांशी संवाद साधान्याची संधी मिळेल. ज्योतिषी, प्रवचनकार व पुजारी यांना श्री दुर्गामातेचे दैवी शक्तीचा अनुभव येईल. लहान मुलांचा लहरीपणा वाढेल.

मकर:- कामातील ताणतणाव कमी करण्यासाठी मॅन:शांतीची गरज भासेल. एखाद्या गुरुतुल्य व्यक्तीकडून उपाय घ्यावा. जमा व खर्चाचा मेळ लागणार नाही. टोकदार वस्तूंपासून लहान मुलांच्या डाव्या डोळ्याचे रक्षण करा.

कुंभ:- श्री दुर्गामातेची पूजा अर्चा करताना स्वतःला हरवून जाल. समाजातील गरजू लोकांकरिता मोठा खर्च कराल. लहान भावंडांच्या लहरीपणाचा त्रास होईल. प्रवासात मानसिक व शारीरिक त्रास संभवतो. वडिलांचा आदर वाटेल.

मीन:- मनातील राग उफाळून येईल. तरी रागावर नियंत्रण ठेवा. आज आवक जावक समसमान होणार आहे. प्रवासाचा बेत आखु नका. कुटुंबात आनंदाचे व समाधानाचे वातावरण राहील.सरकारी कामे युक्तीने करून घ्याल.

।।शुभं भवतू ।।