Read In

Marathi

English Gujarati Hindi Kannada Malayalam Marathi Punjabi Sindhi Tamil Telugu

 

शुक्रवार 09 आँक्टोबर 2020 चे दैनिक राशीभविष्य

कृष्णमूर्ती पद्धतीने नक्षत्रीय फलादेश.

आज शुक्रवार 09 आँक्टोबर दिवस रात्र  चंद्ररास मिथुन असून चंद्रनक्षत्र आर्द्रा, 24:25 पर्यंत आहे. नंतर पुनर्वसु नक्षत्र सुरू  होत आहे. या दोन्ही नक्षत्रांच्या गुणधर्मांचा विचार करून व आजच्या पहाटेच्या 05:30 च्या कुंडली नुसार कृष्णमूर्ती पद्धतीने नक्षत्रीय फलादेश देत आहे.

मेष :–बरेच दिवसापासून रेंगाळलेली कामे करण्याची तयारी ठेवा. सरकारी महत्वाच्या कागदपत्रांची पूर्तता वेळेत करावी लागेल. महिलांना आज आपले नावडते कामसुद्धा आवडीने करावे लागेल व तेही  वेळेतच पूर्ण करावे लागेल.

वृषभ :–पूर्वीपासून आजचे आखलेले बेत पूर्ण करण्यासाठी प्रयत्नांची पराकाष्ठा रहावी लागेल. लहान भावंडांची काळजी वाढेल. गर्भवती महिलांनी आज शक्यतो आराम करावा.  धावपळ करू नये. पोटाची अपचनाची तक्रार वाढेल.

मिथुन :–खाण्या पिण्याचे पदार्थ काळजीपूर्वक तपासून खावेत. फुड पाँयझनसारख्या त्रासाची शक्यता आहे. वयस्कर मंडळीनी आपले पथ्य काटेकोरपणे पाळावे. तरूणांनी आपण घेतलेला निर्णय बरोबर आहे का हे तपासून बघावे व मगच फायनल करावे.

कर्क :–त्वचारोगासंबंधी जागरूक रहा. मित्रपरिवाराबरोबर महत्वाच्या गोष्टींवर चर्चा होईल व त्यातून तुमच्या मनावरचे दडपण कमी होईल. सरकारी कामातून फायदाच फायदा होणार आहे. वडिलांकडील नात्याची चौकशी करून त्याना योग्य वेळेत मदत. द्या.

सिंह :–भविष्यातील गुंतवणूकीला प्राधान्य द्यावे लागेल. घरातील स्वच्छता करताना हरवलेला दागिना सापडेल. पुरूषांनी महत्वाचा कोणताच निर्णय सल्ल्याशिवाय एकट्याने घेऊ नये. विशेषतः क्रिमिनल केस सुरू असलेल्य़ानी तज्ञांचा वा वकिलांचा सल्ला घ्यावा.

कन्या :–प्रेमाच्या व्यवहारात प्रमाणिक रहा अन्यथा आयुष्यभराचे नुकसानीस सामोरे जावे लागेल. मनातील, शंका, संशय व्यक्त करून मन मोकळे करा. सरकारी कामात अडथळा निर्माण होण्याचे संकेत मिळतील.

तूळ :–मुलांच्या अभ्यासातील प्रगतीवर खूष व्हाल. नोकरीत  पूर्वी घडलेल्या घटनेचे पडसाद उठतील  नातेवाईक मंडळींच्या विचारांना महत्व द्यावे लागेल. कुटुंबातील सदस्यांच्या आरोग्याची काळजी घेताना स्वतःकडे दुर्लक्ष करू नका.

वृश्र्चिक :–बँकेतील कर्मचार्‍यांनी आज सौजन्यदिन पाळल्यास कोणताही त्रास होणार नाही. खातेदारांना केलेली कोणत्याही प्रकारची लहानशी मदतही मोठी ठरेल. व वातावरण आनंदाचे राहील. ज्येष्ठांना दिलेला शब्द पाळल्याचा आनंद होईल व त्याबद्दल कौतुकही होईल.

धनु :–आज तुम्ही आरामाचा दिवस आहे हे समजून घ्या. शरिराच्या व मनाच्या कोणत्याच तक्रारीकडे दुर्लक्ष करू नका. कुटुंबात वादग्रस्त विषयाना सुरूवात होऊ देऊ नका. व्यवसायातील चर्चाना आज सुट्टी द्या.

मकर :–वेळेचा सदुपयोग करून जूने त्रासदायक काम मार्गी लावाल. रागाच्या भरात सांभाळून बोलणे महत्वाचे ठरेल. बोलण्यातील स्पष्टपणामुळे. सर्व गैरसमज दूर होतील. लहान उद्धोगातून झालेल्या ओळखी टिकवण्यासाठी  गोड बोलावे लागेल.

कुंभ :–नोकरीत वरिष्ठांबरोबरचे संबंध वृद्धींगत होतील व महत्वाच्या प्रशिक्षणासाठी जाण्याची संधी मिळेल. बुद्धीच्या जोरावर वाद घालण्याची इच्छा निर्माण होईल. विद्यार्थ्यांनी स्वतःच्या कोशातून बाहेर येण्याची गरज आहे हे लक्षांत घ्या.

मीन :–सार्वजनिक कामातून स्वतःच्या कामाला वेळ मिळणार नाही. कौटुंबिक स्वास्थ बिघडणार्या  बाबींना मनापासून टाळण्याचा प्रयत्न करा. आपल्या वरिष्ठांना गृहीत धरून कामे करू नका. प्रवासात आरोग्याची काळजी घेण्यासाठी जागरूक रहा.

||  शुभं – भवतु ||